‘बिग बॉस’ फेम शहनाज गिल सध्या ‘थँक यू फॉर कमिंग’ या चित्रपटामुळे चांगलीच चर्चेत आहे. पण अशातच शहनाज हॉस्पिटलमध्ये उपचार घेत असल्याचं समोर आलं आहे. काल सोशल मीडियावर लाइव्ह येऊन शहनाजने चाहत्यांना याबाबत माहिती दिली. शहनाजला हॉस्पिटलमध्ये पाहून चाहत्यांना धक्काच बसला. त्यामुळे सगळेजण सध्या तिच्या प्रकृतीसाठी प्रार्थना करत आहे. पण शहनाजला अचानक नेमकं काय झालं? जाणून घ्या..

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

हेही वाचा- Rekha Birthday: रेखा यांनी विनोद मेहरासाठी रचलं होतं आत्महत्येचं नाटक? काय घडलं होतं? वाचा माहित नसलेला किस्सा

अभिनेत्री शहनाज गिल काल सोशल मीडियावर लाइव्ह आली होती. लाइव्हमध्ये ती हॉस्पिटलमधल्या बेडवर दिसली. त्यामुळे चाहते तिला विचारू लागले की, नेमकं काय झालं? त्यानंतर शहनाजने आपल्या प्रकृतीची अपडेट देत हॉस्पिटलमध्ये दाखल होण्यामागच कारण सांगितलं.

हेही वाचा – Video: ‘तुला शिकवीन चांगलाच धडा’ मालिकेतील अधिपतीने बायकोचं नाव काय ठेवलं? पाहा

शहनाज लाइव्हमध्ये म्हणाली, “सगळ्यांवर एक वेळ येते अन् ती निघूनही जाते. माझ्याबरोबर असंच काहीस झालं आहे. मी आता ठीक आहे. मला इन्फेक्शन झालं आहे. मी सँडविच खाल्लं होतं. त्यामुळे मला फूड इन्फेक्शन झालं आहे.” दरम्यान शहनाजच्या प्रकृतीची विचारपूस करण्यासाठी रिया कपूर हॉस्पिटलमध्ये गेली होती.

हेही वाचा – Video: शर्मिष्ठा राऊतचे ‘हे’ शब्द ऐकताच स्वप्नील जोशी झाला थक्क; मधुगंधा कुलकर्णी म्हणाल्या, “हे शब्द भाषेमधून काढून टाका”

शहनाजच्या कामाबद्दल बोलायचं झालं तर, सध्या तिच्या ‘थँक यू फॉर कमिंग’ या चित्रपटाला चांगलाच प्रतिसाद मिळत आहे. या चित्रपटातील तिच्या कामाचं कौतुक होतं आहे. या चित्रपटात शहनाजबरोबर भूमी पेडणेकर, कुशा कपिला, शिबानी बेदी, डॉली सिंह, करण कुंद्रा महत्त्वाच्या भूमिकेत आहेत. करण बुलानी यांनी या चित्रपटाचे दिग्दर्शक केलं आहे. माहितीनुसार, आतापर्यंत या चित्रपटाने ४.४२ कोटींची कमाई केली आहे.