‘बिग बॉस मराठी’चं चौथ पर्व पहिल्या दिवसापासूनच चर्चेत आहे. स्पर्धकांप्रमाणेच प्रेक्षकांनाही आश्चर्याचे धक्के ‘बिग बॉस’ देत असतात. घरातील सर्वाधिक चर्चेत असलेल्या सदस्यांपैकी अभिनेत्री अपूर्वा नेमळेकर एक आहे. ‘बिग बॉस’च्या घरात एन्ट्री केल्यापासूनच अपूर्वाने तिचा जम बसवायला सुरुवात केली होती. प्रेक्षकांनाही अपूर्वाचा खेळ आवडतो.
‘रात्रीस खेळ चाले’ मालिकेत शेवंता हे पात्र साकारुन अपूर्वाने प्रेक्षकांच्या मनात घर केलं. २०११ साली आभास हा मालिकेतून कलाविश्वात पदार्पण केलेल्या अपूर्वाला शेवंतामुळे लोकप्रियता मिळाली. अपूर्वा तिच्या वैयक्तिक आयुष्यामुळेही कायमच चर्चेत राहिली आहे. पहिल्या पतीला घटस्फोट दिल्यानंतर बराच काळ सिंगल राहिलेली अपुर्वा लग्नासाठी मुलाच्या शोधात आहे. ‘बिग बॉस’च्याच घरात अपूर्वाने दुसरं लग्न करण्याची इच्छा बोलून दाखविली.
हेही वाचा >> “आपके बाप का…” अनुपम खेर यांनी सांगितला किशोर कुमार यांच्याबरोबर घडलेला ‘तो’ किस्सा
हेही वाचा >> “१५ वर्षीय मुलाने मला विचित्र पद्धतीने स्पर्श…” सुश्मिता सेनने सांगितला ‘तो’ प्रसंग
‘बिग बॉस’च्या घरातील डायनिंग टेबलवर अक्षय केळकर, अमृता देशमुख व अपूर्वा गप्पा मारत बसले होते. तेवढ्यात अक्षय अपूर्वाला म्हणाला “मला सांगते लग्न कर. तुझं लग्नाचं वय उलटून गेलं आहे”. यावर अमृता त्याला “असं काही लग्नाच वय वगैरे नसतं बरं का”, असं म्हणते. अपूर्वा अक्षयला उत्तर देत म्हणते “लग्न करण्यासाठी तसा मुलगा पण भेटायला हवा ना. ट्रॅजेडी बॉक्स माझ्या आयुष्यात अजून आलाच नाहीये”. यावर अमृता “मला नुसता बॉक्सही चालेल. ट्रॅजेडी नसलेला…” असं अपूर्वाला म्हणते.
हेही पाहा >> Drishyam 2: छोट्या अनुला ५० लाख, अजय देवगणला तब्बूपेक्षा दहापट पैसे; ‘दृश्यम २’साठी कोणी किती मानधन घेतलं पाहिलं का?
अमृताच्या या वाक्यावर अपूर्वा म्हणते “म्हणजे तुझ्या काहीच अटी नाही आहेत. तुला केस नसलेला टकला मुलगाही चालेल का मग. मला चालेल. चांगला मुलगा असेल तर मी टकल्या मुलाशीही लग्न करायला तयार आहे”. अपूर्वाने ‘बिग बॉस’च्या घरात केलेल्या या वक्तव्याबद्दल चर्चा रंगली आहे.
