‘बिग बॉस’ मराठीचं चौथं परवं सध्या चांगलंच गाजत आहे. घरातील सदस्यांमध्ये होणारे वाद, राडे, हाणामारी सारं काही चर्चेचा विषय ठरत आहे. आता घरामध्ये काही सदस्यांच्या मैत्रीमध्येही फूट पडली असल्याचं चित्र दिसतंय. अपूर्वा नेमळेकर घरात अधिक दादागिरी करते, भांडण करते हे काही भागांमध्ये पाहायला मिळालं. पण आता स्पर्धक अमृता धोंगडेही तिला टक्कर देणार की काय असा प्रश्न निर्माण झाला आहे.
कलर्स मराठी वाहिनीने त्यांच्या इन्स्टाग्राम अकाऊंटद्वारे एक व्हिडीओ शेअर केला आहे. या व्हिडीओमध्ये नव्या भागामध्ये अमृता व विकास सावंतमध्ये जोरदार भांडण होणार असल्याचं चित्र पाहायला मिळत आहे.
पाहा व्हिडीओ
या नव्या व्हिडीओमध्ये दोघंही एकमेकांवर आरोप करताना दिसत आहेत. मात्र शाब्दिक भांडण सुरु असताना विकास अमृताच्या अगदी तोंडाजवळ येतो आणि बोलू लागतो. यावर अमृता चक्क त्याला जोरात ढकलून देते. तिचा राग अगदी अनावर झालं असल्याचं या व्हिडीओमध्ये पाहायला मिळत आहे.
विकास म्हणतो, “व्यवस्थित तुम्ही बोलायचं कळलं का?” यावर अमृता त्याला ढकलते आणि म्हणते, “थुंकू नकोस, बाजूला हो. माझ्या तोंडाजवळ येऊन बोलतोस. अरे ये लाज वाटत नाही का?. दादाच्या (किरण माने) पाठी खंजीर खुपसतो.” यावर विकास म्हणतो, “तू ही तेच करत आहेस.” विकास व अमृताचं हे भांडण सध्या चर्चेचा विषय ठरत आहे.
