Bigg Boss Marathi : ‘बिग बॉस मराठी’च्या घरात या आठवड्यात संपूर्ण समीकरण बदललं आहे. पहिल्या दिवसापासून अरबाज, निक्की, जान्हवी आणि वैभव एकत्र खेळत होते. परंतु, भाऊच्या धक्क्यावर निक्कीने तिच्याविरोधात काय-काय बोललं जातंय हे पाहिल्यावर ‘ए’ ग्रुपमधून एक्झिट घेतली. निक्कीने ग्रुप सोडल्यापासून आता ही मित्रमंडळी आपआपसांत भांडू लागली आहेत. अशातच अरबाजला निक्की-अभिजीतची मैत्री खटकल्याने घरात नव्या वादाला तोंड फुटलं आहे.
‘बिग बॉस मराठी’ने या आठवड्यात घरात एकूण ६ जोड्या बनवल्या आहेत. आता हा संपूर्ण आठवडा सदस्यांना आपल्या जोडीदाराबरोबर राहून प्रत्येक टास्क पूर्ण करणं भाग आहे. निक्की व अभिजीतची जोडी असल्याने आता प्रत्येक गोष्टीत दोघांना एकमेकांवर अवलंबून राहावं लागत आहे. त्यामुळे अरबाजला हे काहीच रुचत नाहीये. नुकत्याच प्रसारित झालेल्या भागात अरबाज निक्की-अभिजीतवर भयंकर संतापल्याचं पाहायला मिळालं.
हेही वाचा : Bigg Boss Marathi– Video : भुसXX, लायकी…; निक्कीची जीभ पुन्हा घसरली, ‘तो’ प्रोमो पाहून मराठी अभिनेता संतापला; म्हणाला, “ही भाषा…”
अरबाजची सुरुवातीला अभिजीतबरोबर शाब्दिक बाचाबाची झाली. यानंतर किचन एरियामध्ये निक्कीने अरबाजला “बोलत का नाहीस?” याबद्दल जाब विचारला. पुढे, दोघांमध्ये वाद होऊन अरबाजने किचनमध्ये भांडी फोडली. निक्कीने त्याला समजवण्याचा प्रयत्न केला पण, अरबाजने कोणाचंही ऐकलं नाही. बेडरुममध्ये देखील अरबाजने आदळआपट केल्याचं पाहायला मिळालं. यावेळी घरातले सर्व सदस्य त्याला शांत करण्यासाठी गेले होते. या सगळ्याचा परिणाम म्हणून आता अरबाजची कॅप्टन्सीची उमेदवारी काढून घेण्यात आली आहे. परंतु, निक्की – अरबाजमधली भांडणं कायम आहे.
Bigg Boss Marathi : घरातल्यांनी घेतली निक्की-अरबाजची फिरकी
निक्की-अरबाजच्या भांडणांची फिरकी घेण्यासाठी घरातील सगळे सदस्य एकत्र जमून विरहाची गाणी गात असल्याचं नव्या प्रोमोमध्ये पाहायला मिळत आहे. “ठुकरा के मेरा प्यार मेरा इंतकाम देखेगी”, “हो मुझे छोड़ कर जो तुम जाओगे … बड़ा पछताओगे, बड़ा पछताओगे” ही गाणी घरातले सगळे सदस्य एकत्र बसून आजच्या भागात गाणार आहेत. यावेळी अरबाज – निक्की देखील हसत होते.
हेही वाचा : Bigg Boss Marathi : घरात तोडफोड केल्यावर ‘बिग बॉस’ने अरबाजला दिली मोठी शिक्षा! निक्कीची ‘ती’ कृती ठरली कारणीभूत
नेटकऱ्यांनी मात्र या व्हिडीओवर भन्नाट प्रतिक्रिया दिल्या आहेत. हा फक्त गेम असल्याचं अनेकांनी म्हटलं आहे. “बाईई… तुम्ही पागल झालाता का”, “टीम B तुम्हाला हा गेम कळत नाहीये का?”, “बिग बॉस तुम्हाला फक्त A टीम फोडायला सांगितलं होतं. अख्ख घर नाही” अशा कमेंट्स नेटकऱ्यांनी या व्हिडीओवर केल्या आहेत.