Bigg Boss Marathi Season 5 BB Party : ‘बिग बॉस मराठी’चं पाचवं पर्व संपण्यासाठी आता अवघे तीन दिवस बाकी राहिले आहेत. शो आता अंतिम टप्प्यात आला असून घरात आज मिडीवीक एलिमिनेशन होणार आहे. सध्या ‘बिग बॉस’च्या घरात अभिजीत सावंत, सूरज चव्हाण, निक्की तांबोळी, वर्षा उसगांवकर, धनंजय पोवार, जान्हवी किल्लेकर आणि अंकिता वालावलकर असे सात सदस्य आहेत. यापैकी ‘तिकीट टू फिनाले’ जिंकल्यामुळे निक्की थेट अंतिम फेरीत पोहोचली आहे. ग्रँड फिनालेमध्ये एन्ट्री घेणारी निक्की यंदाची पहिली स्पर्धक ठरली आहे. मात्र, उर्वरित सदस्यांच्या डोक्यावर एलिमिनेशनची टांगती तलवार आहे.
घरातील सहा सदस्य सध्या नॉमिनेट असून यांच्यापैकी शेवटच्या क्षणी कोणता सदस्य घराचा निरोप घेणार याबद्दल प्रेक्षकांच्या मनात उत्सुकता निर्माण झाली आहे. मात्र, या एलिमिनेशन टास्कपूर्वी घरातील सगळ्या सदस्यांसाठी ‘बिग बॉस’ने एका पार्टीचं आयोजन केलं आहे. यासाठी घरात एन्ट्री घेणार आहे डीजे क्रेटेक्स.
हेही वाचा : Bigg Boss Marathi : “प्रेक्षकांच्या मतांमुळे सूरज जिंकेल पण, गेमचा विचार केला तर…”, Bigg Boss च्या विजेत्याबद्दल शिव ठाकरेचं मोठं वक्तव्य, म्हणाला…
‘तांबडी चांबडी’वर सदस्य थिरकणार
मराठमोळा कृणाल घोरपडे सध्या सोशल मीडियावर चांगलाच चर्चेत आहे. त्याचं ‘तांबडी चांबडी’ हे गाणं सर्वत्र तुफान व्हायरल होत आहे. रिमिक्स आणि टेक्नो-म्युझिक गाणी केल्यानंतर एक मूळ ओरिजिनल गाणं संगीतबद्ध करावं अशी क्रेटेक्सची इच्छा होती. अखेर श्रेयस सागवेकरच्या साथीने क्रेटेक्सने ‘तांबडी चांबडी’ गाणं तयार केलं आणि आजच्या घडीला सोशल मीडियापासून ते क्लबपर्यंत सर्वत्र या गाण्याने पसंती मिळवली आहे. याशिवाय आज हे गाणं ‘बिग बॉस’च्या ( Bigg Boss Marathi ) घरात देखील वाजणार आहे.
डीजे क्रेटेक्सच्या तालावर सगळे सदस्य थिरकत असल्याचं प्रोमोमध्ये पाहायला मिळत आहे. मात्र, यानंतर सदस्यांना एक मोठा धक्का मिळणार आहे. तो म्हणजे, या कार्यक्रमानंतर घरात मिडवीक एव्हिक्शन पार पडणार आहे. आता या सात जणांपैकी कोण घराचा निरोप घेणार आणि यंदाचे टॉप-६ सदस्य कोण ठरणार याकडे प्रेक्षकांचं लक्ष लागलं आहे.
