गेल्या काही दिवसांपासून अनेक कलाकार सोशल मीडियापासून ब्रेक घेताना दिसत आहे. यातील अनेकांनी पोस्ट शेअर करत याबद्दलची माहिती चाहत्यांना दिली आहे. त्यांच्या या निर्णयामुळे चाहते नाराज झाल्याच्या घटनाही समोर आल्या आहेत. त्यातच आता प्रसिद्ध मराठी अभिनेत्रीने सोशल मीडियापासून ब्रेक घेण्याचा निर्णय घेतला आहे. तिने स्वत: पोस्ट शेअर करत याबद्दल सांगितले आहे. बिग बॉस मराठी या कार्यक्रमामुळे प्रसिद्धीझोतात आलेली अभिनेत्री म्हणजे सई लोकूर. ती नेहमीच काही ना काही कारणांमुळे चर्चेत असते. सई ही सोशल मीडियावर कायमच सक्रीय असते. तिने तिच्या लग्न, हळद, नवऱ्याबरोबर भटकंती करतानाचे अनेक फोटो सोशल मीडियावर शेअर केले आहेत. पण आता मात्र तिने सोशल मीडियापासून ब्रेक घेण्याचा निर्णय घेतला आहे. तिने इन्स्टाग्राम स्टोरीवर एक पोस्ट शेअर करत याची माहिती दिली आहे.आणखी वाचा : “हे ठरवणार कोण…” ‘चांगल्या मराठी मालिकांमध्ये काम करत जा’ म्हणणाऱ्याला स्वप्निल जोशीने सुनावले सई लोकूरची पोस्ट "मला गेल्या कित्येक दिवसांपासून एक गोष्ट करायची होती आणि अखेर आता मी ते करत आहे. मी पुढचे काही दिवस इन्स्टाग्रामपासून ब्रेक घेणार आहे. मला हा ब्रेक घेण्याची फार गरज आहे.मला माझ्या स्वत:साठी हे पाऊल उचलणे गरजेचे आहे. त्यामुळे आता मी तुमची रजा घेते. मी पुन्हा सज्ज झाल्यावर नक्कीच परत येईन. त्याबरोबर तुमच्यासाठी खूप काही घेऊनही येईन. तोपर्यंत तुम्ही तुमची काळजी घ्या. खूप खूप प्रेम. सई", असे तिने या पोस्टमध्ये म्हटले आहे. सई लोकूर आणखी वाचा : “मेघा धाडेची ती पोस्ट म्हणजे…” आस्ताद काळे स्पष्टच बोलला दरम्यान सई लोकूरने ही मराठी चित्रपटसृष्टीतील प्रसिद्धी अभिनेत्री आहे. तिने आतापर्यंत अनेक मराठी आणि हिंदी चित्रपटात काम केले आहे. सईने पारंबी, नो एन्ट्री पुढे धोका आहे, कीस किसको प्यार करु, जरब, मी आणि यू या चित्रपटात काम केले आहे. त्याबरोबर सई ही बिग बॉस मराठीच्या पहिल्या पर्वात स्पर्धक म्हणून सहभागी झाली होती.