‘बिग बॉस मराठी’चं चौथं पर्व संपायला आता काही दिवस उरलेत. येत्या ८ जानेवारीला या सीझनचा विजेता घोषित होणार आहे. हा सीझन तसा बराच गाजला. वाइल्ड कार्ड एंट्री म्हणून आलेल्या राखी सावंतने तर घरात जोरदार राडाही केला. पण चाहत्यांना नेहमीच पहिल्या सीझनचं जास्त कौतुक असतं. बिग बॉस मराठीचा पहिला सीझन मेघा धाडे, सई लोकूर, पुष्कर जोग आणि आस्ताद काळे यांनी गाजवला होता. पण विजेती मात्र मेघा धाडेच ठरली होती. आता तिने सोशल मीडियावर एक पोस्ट शेअर केली आहे जी खूप चर्चेत आहे.
बिग बॉस मराठीच्या पहिल्या सीझनमध्ये मेघा धाडे आणि आस्ताद काळे यांच्या जबरदस्त स्पर्धा पाहायला मिळाली होती. हे दोघंही विजेतेपदाचे प्रबळ दावेदार मानले गेले होते. पण अखेर या शर्यतीत मेघा धाडे बिग बॉसच्या पहिल्या वहिल्या सीझनची विजेती झालं. पण आता याच सीझनबद्दल तिने फेसबुकवर केलेल्या एका पोस्टने सर्वांचं लक्ष वेधून घेतलं आहे.
आणखी वाचा- “मालिका संपल्यानंतर पहिली…” राणादा-पाठकबाईंनी सांगितलं नेमकी कशी झाली लव्हस्टोरीची सुरुवात
मेघा धाडेने तिच्या फेसबुकवर ‘बिग बॉस मराठी’च्या पहिल्या सीझनबद्दल एक पोस्ट लिहिली आहे. या पोस्टमध्ये तिने लिहिलं, “खरं तर आस्ताद काळेच आमच्या सीझनचा विजेता असायला हवा होता.” मेघाच्या या पोस्टवर नेटकऱ्यांच्या कमेंट्सचा अक्षरशः पाऊस पडला आहे. अनेकांनी तर कमेंट्समध्ये मेघा धाडेलाच पाठींबा दिला आहे. पण या पोस्टमध्ये एक ट्वीस्ट आहे.
आणखी वाचा- “या पर्वाचं सगळंच गंडलंय…” मेघा धाडे ‘बिग बॉस मराठी’च्या निर्मात्यांवर संतापली
मेघा धाडेच्या पोस्टवर कमेंट्स करताना अनेक युजर्सनी आस्तादवर टीका केली आहे. पण हे प्रकरण वाढेल असं दिसत असताना मेघा धाडेने स्वतः एका कमेंटमध्ये ही एक प्रॅन्क पोस्ट असल्याचं स्पष्टीकरण दिलं आहे. तिने लिहिलं, “मित्रांनो हा प्रॅन्क आहे… कृपया कोणीच हे गंभीरपणे घेऊ नका. आस्तादने स्वतः ही पोस्ट केली आहे.”
