Bigg Boss फेम अभिनेत्रीने गोव्यात बांधला भलामोठा आलिशान बंगला! ‘ड्रीम हाऊस’ म्हणत शेअर केले फोटो; म्हणाली, “हा प्रवास…”

उत्तम स्वभाव, सर्वांना सांभाळून घेत पुढे जाण्याची वृत्ती, टास्कमधली चपळता, ‘बिग बॉस’च्या घरात जपलेली मैत्री आणि फेअर खेळ यामुळे मीनलला महाराष्ट्राच्या घराघरांत पसंती मिळाली. मीनलने तिसऱ्या सीझनमध्ये अंतिम फेरीत टॉप-५ पर्यंत मजल मारली होती. ‘बिग बॉस’ संपल्यावर अभिनेत्रीने अनेक छोटे-मोठे शो करत आपली डान्सची आवड सुद्धा जोपासली. आता मीनल ( Bigg Boss Marathi ) वैयक्तिक आयुष्यातल्या एका खास गोष्टीमुळे चर्चेत आली आहे.

मीनलने गोव्यात भलामोठा आलिशान बंगला बांधला आहे. याचे फोटो शेअर करत अभिनेत्रीने आपल्या आयुष्यातली ही गोड बातमी सर्व चाहत्यांना दिली आहे.

हेही वाचा : अवघ्या ६ महिन्यांत गाशा गुंडाळणार कलर्स मराठीची मालिका? मुख्य अभिनेत्याची पोस्ट चर्चेत; म्हणाला, “शेवटचे काही…”

Bigg Boss Marathi – मीनलने गोव्यात बांधला आलिशान बंगला

गणपती बाप्पा मोरया!

…तर हे काही वर्षांपूर्वी सुरू झालं, जेव्हा आम्ही आमचं स्वप्नातलं घर बांधायचं ठरवलं. तेव्हा डोळ्यासमोर फक्त एक व्हिजन होतं आणि आम्ही सगळेजण ते स्वप्न पूर्ण करण्यासाठी प्रचंड उत्सुक होतो. ते स्वप्न अजिबात सोपं नव्हतं. परंतु, आज मागे वळून पाहताना प्रत्येक गोष्टीची किंमत कळतेय. घर बांधण्यासाठी उत्तम जागा शोधण्यापासून ते आम्हाला हवं तसं घर बांधेपर्यंत… प्रत्येक गोष्टीचा आम्ही विचार केला होता. सर्व गोष्टी एका रोलरकोस्टर राइडसारख्या होत्या. शेवटी आता आमचं हे स्वप्न सत्यात उतरलं आहे.

धनत्रयोदशीच्या शुभदिवशी आम्ही आमच्या गोव्याच्या ड्रीम हाऊसमध्ये गृहप्रवेश केला. अनेक वर्षांच्या अथक परिश्रमानंतर आणि देवाच्या कृपेने हे स्वप्न आम्ही पूर्ण करू शकलो. यासाठी कित्येक रात्री न झोपता जागून काढल्या आहेत. मला स्वत:चा खूप अभिमान आहे. आज मी माझ्या प्रियजनांबरोबर गृहप्रवेश करत आहे. मी अतिशय कृतज्ञ आहे.

“सपने देखने से लेकर उनको पुरा करना तक का सफर” या प्रवासात अनेकांची साथ मिळाली.

गृहप्रवेश करताना एक विशेष गोष्ट घडली ती म्हणजे, या ड्रीम हाऊसमध्ये प्रवेश करताना माझी आजी देखील आली होती. ती एवढ्या लांब प्रवास करून आली हे माझं भाग्यच आहे. आज तिचं वय ९० हून अधिक आहे. गोव्याला येण्यासाठी तिने पहिल्यांदाच विमानाने प्रवास केला होता.

हेही वाचा : ‘ठरलं तर मग’ फेम अभिनेत्री लग्नाच्या ९ वर्षांनंतर होणार आई! फोटो शेअर करत दिली गुडन्यूज; होतोय शुभेच्छांचा वर्षाव

दरम्यान, मीनलचं नवीन घर पाहून नेटकऱ्यांसह बिग बॉसमधल्या ( Bigg Boss Marathi ) सहस्पर्धकांनी अभिनेत्रीवर कौतुकाचा वर्षाव केला आहे. विशाल निकम, सोनाली पाटील, विकास पाटील, मेघा धाडे यांनी कमेंट्स करत तिला शुभेच्छा दिल्या आहेत.