Bigg Boss Marathi : ‘बिग बॉस मराठी’च्या पाचव्या आठवड्याचा भाऊचा धक्का नुकताच पार पडला. यावेळी रितेश देशमुखने अरबाजसह B टीमची चांगलीच शाळा घेतली. गेल्या आठवड्यात प्रेक्षकांना अरबाजचं रौद्ररुप पाहायला मिळालं होतं. निक्कीशी भांडण करून त्याने घरातील सामानाची तोडफोड केली होती. यानंतर अरबाजला ‘बिग बॉस’ने शिक्षा देखील केली होती. कॅप्टन्सीच्या उमेदवारीतून त्याला बाद करण्यात आलं होतं.
घरात झालेल्या भांडणांमध्ये अरबाजची सर्वांनी बाजू घेतली. संपूर्ण घरात निक्की-अभिजीत विरुद्ध उर्वरित १० सदस्य असा गोंधळ पाहायला मिळाला होता. याशिवाय अभिजीत-निक्कीच्या निखळ मैत्रीबाबत सुद्धा अरबाजने संशय व्यक्त केला होता. त्यामुळे या चुकीच्या वागणुकीबद्दल त्याला भाऊच्या धक्क्यावर जाब विचारण्यात आला. एवढंच नव्हे तर आर्याची सुद्धा शाळा घेण्यात आली.
हेही वाचा : Bigg Boss Marathi : Video: “तुम्हाला झालेला त्रास खोटा अन्…”, रितेश देशमुखने घेतली अरबाजची शाळा, चक्रव्यूह रूम उघडून केली पोलखोल
रितेशने इतर सगळ्या सदस्यांना झापून निक्कीची बाजू घेतल्याने प्रेक्षकांना भाऊच्या धक्क्यावर नाराजी व्यक्त केली आहे. निक्की आतापर्यंत अत्यंत चुकीची खेळत होती. त्यामुळे तिचं एवढं कौतुक करण्याची काहीच गरज नव्हती असा दावा असंख्य नेटकऱ्यांनी केला आहे. ‘कलर्स मराठी वाहिनी’ने ‘बिग बॉस’ मराठी संदर्भात शेअर केलेल्या प्रत्येक पोस्ट नेटकरी कमेंट्स करत आहेत.
“निक्की पुराण ऐकायला आम्ही दीड तास वाया घालवला”, “निक्कीला देव बनवायची गरज नाही”, “बिग बॉसमध्ये बिग बॉस दाखवा निक्की शो दाखवू नका”, “आजचा भाऊचा धक्का एकदम बोअरिंग उद्यापासून बिग बॉस बघणं बंद”, “आज रितेश सर निक्कीच्या बिग बॉसचं hosting करत होते” अशा कमेंट्स नेटकऱ्यांनी या पोस्टवर करत नाराजी व्यक्त केली आहे.
हेही वाचा : Bigg Boss Marathi – Video: “तुमचा गेम निक्की शिवाय दिसत नाही”, रितेश देशमुखने केली आर्याची कानउघडणी, म्हणाला, “मला इथे सांगू नका…”
दरम्यान, गेल्या आठवड्यात निक्की, अभिजीत, वर्षा आणि अंकिता हे चार सदस्य नॉमिनेट झाले होते. परंतु, या चौघांपैकी कोणीही घराबाहेर जाणार नाही. यामागचं कारण म्हणजे, ‘बिग बॉस’कडून व्होटिंग लाइन्स बंद ठेवण्यात आल्या होत्या. याबाबत घरातल्या सदस्यांना कल्पना नाही. त्यामुळे रितेश आता घरच्यांची कशी फिरकी घेणार हे पाहणं महत्त्वाचं ठरेल.
