Bigg Boss Marathi Nikki Arbaz & Suraj Chavan : ‘बिग बॉस मराठी’च्या पाचव्या पर्वातील प्रत्येक सदस्याने प्रेक्षकांच्या मनात एक वेगळं स्थान निर्माण केलं आहे. यंदाचा सीझन केवळ ७० दिवसांमध्ये संपला. त्यामुळे या शोचे चाहते प्रचंड नाराज झाले होते. यावर्षीच्या झगमगत्या ट्रॉफीवर बारामतीच्या सूरज चव्हाणने आपलं नाव कोरलं. गेल्या ३ ते ४ महिन्यांमध्ये सूरजला प्रेक्षकांचं भरभरून प्रेम मिळालं. या ‘गुलीगत किंग’ने सर्वाधिक व्होट्स मिळवत या शोमध्ये बाजी मारली. मात्र, आता ‘बिग बॉस’ जरी संपलं असलं तरी, सगळे रुसवे-फुसवे विसरून या स्पर्धकांमध्ये असलेली मैत्री कायम राहिली आहे.
‘बिग बॉस मराठी’च्या ( Bigg Boss Marathi ) घरात ए ग्रुप विरुद्ध बी ग्रुप अशी लढत पाहायला मिळाली होती. पण, शो संपण्यापूर्वी सगळे सदस्य एकत्र आले होते. सूरज चव्हाणला सगळ्यांनी आपलंसं करून घेतलं होतं. अतिशय बेताच्या परिस्थितीमधून हा ‘गुलीगत किंग’ पुढे आला आहे. ‘बिग बॉस’च्या घरात सूरजला प्रत्येक सदस्याने प्रत्येक गोष्ट शिकवली.
हेही वाचा : ‘झी मराठी’वर नव्या मालिकांची नांदी! ‘लक्ष्मी निवास’ पाठोपाठ सुरू होणार ‘ही’ थ्रिलर मालिका, पाहा पहिली झलक
पंढरीनाथ कांबळेने सूरजला घरात कसं वागायचं, कसं बोलायचं, काय करायचं, शिक्षणाचं महत्त्व या सगळ्या गोष्टी सांगितल्या. तर, अंकिता, अभिजीत, आर्या या सदस्यांनी सुद्धा सूरजला पहिल्या दिवसापासून साथ दिली. काही दिवसांपूर्वीच अंकिता वालावलकर आणि आर्या जाधवच्या आईने व्हिडीओ कॉल करून सूरजची ( Bigg Boss Marathi ) विचारपूस केली होती. आता या सगळ्यांपाठोपाठ निक्की-अरबाजने सुद्धा सूरजला फोन केला होता.
निक्की तांबोळीने स्क्रीनशॉट शेअर करत सूरजशी व्हिडीओ कॉलवर संवाद साधल्याचं सर्वांना सांगितलं आहे. निक्की आणि अरबाज एकत्र असताना या दोघांनी सूरजला व्हिडीओ कॉल केला होता. “भावा लवकरच भेटूयात…” असं कॅप्शन देत अभिनेत्रीने याचा फोटो इन्स्टाग्राम स्टोरीवर शेअर केला आहे.
हेही वाचा : Zee Marathi Awards : यंदाची सर्वोत्कृष्ट मालिका ठरली ‘पारू’! तर, लोकप्रिय नायक-नायिका आहेत…; वाचा विजेत्यांची संपूर्ण यादी
दरम्यान, आता निक्की-अरबाज सूरजला केव्हा भेटणार हे पाहणं उत्सुकतेचं ठरणार आहे. त्याला भेटण्यासाठी हे दोघं मोढवे गावी जाणार की, सूरजला निक्की-अरबाज मुंबईत भेटणार हे लवकरच स्पष्ट होईल. या तिघांचे चाहते सुद्धा यांच्या रियुनियनची ( Bigg Boss Marathi ) आतुरतेने वाट पाहत आहेत.
