Bigg Boss Marathi Nikki Tamboli : ‘बिग बॉस मराठी’चं पाचवं पर्व निक्की तांबोळीने तुफान गाजवलं. पहिल्याच दिवशी शोमध्ये निक्की अन् वर्षा उसगांवकरांचे वाद झाले होते. त्यामुळे हा सीझन सुरू झाल्यापासून निक्की प्रचंड चर्चेत होती. हळुहळू तिचे घरातील डायलॉग सोशल मीडियावर लोकप्रिय होऊ लागले. “बाईSSS हा काय प्रकार” या डायलॉगने तर गेल्या दोन महिन्यांपासून संपूर्ण महाराष्ट्रात धुमाकूळ घातला आहे.
एवढ्या मोठ्या प्रमाणात चर्चेत असूनही निक्कीला ‘बिग बॉस’च्या घरात उचलेल्या काही चुकीच्या पाऊलांमुळे विजेतेपद गमवावं लागलं. तरीही तिच्या चाहत्यांना शेवटपर्यंत निक्की हा शो जिंकेल अशी अपेक्षा होती. मात्र, सूरज चव्हाणने यंदाच्या पर्वावर आपलं नाव विजेता म्हणून कोरलं आहे. यावर आता निक्कीने पहिली प्रतिक्रिया दिली आहे.
हेही वाचा : Video : “ट्रॉफी मिळाली नाही याची खंत…”, ग्रँड फिनालेनंतर धनंजयची पहिली पोस्ट! भावुक होत म्हणाला, “हे उपकार…”
Bigg Boss Marathi : निक्कीची प्रतिक्रिया चर्चेत
निक्कीने इन्स्टाग्रामवर नवीन ब्रॉडकास्ट चॅनेल सुरू केलं आहे यावर चाहत्यांशी संवाद साधताना अभिनेत्री म्हणाली, “हॅलो…मी निक्की तांबोळी…मला तुम्हाला सर्वांना हेच सांगायचं आहे की, थँक्यू मनापासून तुम्ही मला एवढे वोट दिले… मला बिग बॉस मराठीचं सेकंड रनर अप बनवलं. मी या संपूर्ण सीझनमध्ये तुमचं मनापासून मनोरंजन केलं. माझे डायलॉग तुम्ही सर्वांनी एवढे जास्त फेमस केले…यापुढे मी असंच काम करत राहीन. माझ्या प्रोजेक्ट्सबद्दल सुद्धा मी तुम्हाला माहिती देत राहीन. माझ्याकडून तुम्हा सर्वांना खूप खूप प्रेम! मला एवढा पाठिंबा दिल्याबद्दल खूप खूप थँक्यू… आय लव्ह यू तुम्हा सर्वांना बाई…हा काय प्रकार”
तसेच आपल्या भावना व्यक्त केल्यावर निक्कीने आपल्या चाहत्यांसाठी एक मेसेज शेअर केला आहे. यात ती म्हणते, “ट्रॉफी त्याच्याकडे पण, धमाका फक्त माझ्या नावाचा सुरू आहे. तुम्हाला काय वाटतं खरं कोण जिंकलं?”
दरम्यान, ‘बिग बॉस मराठी’च्या पाचव्या पर्वात निक्की तांबोळीला तिसऱ्या स्थानावर समाधान मानावं लागलं आहे. आता येत्या काळात निक्की पुन्हा कोणत्या मराठी शोमध्ये दिसणार याबद्दल तिच्या चाहत्यांमध्ये उत्सुकता निर्माण झाली आहे.
