ग्रँड फिनालेची संधी हुकली! पंढरीनाथ कांबळे Eliminate; जाताना म्हणाला, “फक्त मनात…”

‘बिग बॉस मराठी’च्या पाचव्या सीझनचा आता दहावा आणि अंतिम आठवडा सुरू होणार आहे. दरवर्षी हा शो १०० दिवसांनी प्रेक्षकांचा निरोप घेतो. मात्र, यावर्षी पहिल्यांदाच हा शो ७० दिवसांनी संपणार आहे. याच पार्श्वभूमीवर गेल्या आठवड्यात नॉमिनेशन टास्क पार पडला नव्हता. याउलट ‘बिग बॉस’ने घरात असणाऱ्या सगळ्या ८ सदस्यांना थेट नॉमिनेट केलं होतं. या ८ जणांमध्ये चुरशीची लढत गेल्या आठवड्याभरात पाहायला मिळाली. मात्र, अगदी शेवटच्या क्षणी पॅडी कांबळेने या घराचा निरोप घेतला.

हेही वाचा : Bigg Boss मध्ये गैरहजर राहणाऱ्या रितेश देशमुखचा परदेशातील व्हिडीओ आला समोर! जिनिलीया म्हणते, “बाबाला २० दिवसांनी…”

हेही वाचा : “करिअरच्या सुरुवातीलाच मुलीने केलेली फसवणूक…”, अरबाज पटेल संघर्षाच्या काळाबद्दल सांगताना म्हणाला, “वडिलांचा अपघात आणि आईचे सोने गहाण…”

पंढरीनाथचा ‘बिग बॉस’च्या घरातील प्रवास संपला

पॅडी घरातून ( Bigg Boss Marathi ) निरोप घेत असताना म्हणाला, “मला फिनालेपर्यंत पोहोचता आलं नाही ही एक सल मनात कायम राहणार आहे…पण, मी माझ्या प्रवासाने आनंदी आहे.”

दरम्यान, आता पंढरीनाथच्या एलिमिनेशननंतर घरात फक्त ७ सदस्य बाकी राहिले आहेत. अभिजीत सावंत, अंकिता वालावलकर, निक्की तांबोळी, वर्षा उसगांवकर, धनंजय पोवार, जान्हवी किल्लेकर आणि सूरज चव्हाण यांच्यापैकी ‘बिग बॉस मराठी’च्या पाचव्या पर्वाचा विजेता कोण होणार हे पाहणं आता शेवटच्या आठवड्यात महत्त्वाचं ठरणार आहे.

हेही वाचा : Video: ‘फुलवंती’ चित्रपटातील कलाकार ‘बिग बॉस मराठी’च्या घरात; गश्मीर महाजनी आणि प्राजक्ता माळीबरोबर सदस्यांनी केली धमाल-मस्ती

‘बिग बॉस मराठी’चा ( Bigg Boss Marathi ) ग्रँड फिनाले ६ ऑक्टोबरला पार पडणार आहे. यासाठी भाऊच्या धक्क्यावर जवळपास दोन आठवड्यांनी रितेश देशमुख उपस्थिती लावणार आहे. यंदा १०० नव्हे तर फक्त ७० दिवसांमध्ये प्रेक्षकांना ‘बिग बॉस मराठी’च्या पाचव्या सीझनचा विजेता मिळणार आहे.