रितेश भाऊंचा फुल्ल सपोर्ट! सूरज चव्हाणची भविष्यात आर्थिक फसवणूक टाळण्यासाठी घेतला मोठा निर्णय; दिली ‘ही’ खास भेट

सूरज चव्हाण रितेश देशमुखचा खूप मोठा चाहता आहे. ट्रॉफी जिंकल्यावर त्याने रितेशला मिठी मारून आपल्या भावना व्यक्त केल्या होत्या. यावेळी, “तुम्ही या शोमध्ये यंदा आहात हे समजलं म्हणून मी होकार दिला” असं सूरज म्हणाला. याशिवाय आवडता अभिनेता व अभिनेत्री दोघंही रितेश-जिनिलीया असल्याचं सूरजने यावेळी सांगितलं.

हेही वाचा : Bigg Boss संपल्यावर निक्की-अरबाज एकत्र! शेअर केला पहिला सेल्फी; फोटो अन् कॅप्शन पाहून नेटकरी म्हणाले, “बाई…”

सूरजची दिवसाची कमाई टिकटॉक असताना ८० हजारांच्या घरात होती मात्र, सर्वांनी त्याची फसवणूक केली असं त्याने बिग बॉसच्या घरात सांगितलं होतं. त्यामुळे सूरजसाठी रितेशने मोठा निर्णय घेतला आहे. याविषयी विचारलं असता सूरज म्हणाला, “आता मला इथून पुढे स्वत:ला उभं राहायचंय आणि सर्वात महत्त्वाचं आता मला खचयाचं नाहीये. सगळ्या गोष्टी मला स्वत: करायच्या आहेत. रितेश सरांनी मला खूप मोठा सपोर्ट केलाय. त्यांनी मला त्यांच्या जवळचा एक पीए दिला. ते म्हणाले, तू काळजी घे स्वत:ची… आता सगळ्या गोष्टी समजून घे. मी एक माणूस देतो त्याच्या संपर्कात नेहमी राहा असं त्यांनी सांगितलंय.”

हेही वाचा : Bigg Boss Marathi – Video : सूरज चव्हाण आणि अभिजीत सावंतने घेतलं सिद्धिविनायकाचं दर्शन, ‘बिग बॉस’ची ट्रॉफी ठेवली बाप्पाच्या चरणी

दरम्यान, सूरज चव्हाणला ‘बिग बॉस मराठी’चा विजेता घोषित केल्यावर रितेशने खास सेल्फी फोटो इन्स्टाग्रामवर शेअर करत सूरजचं कौतुक केलं. यानंतर दोघांची बॅकस्टेजला देखील भेट झाली होती. याठिकाणी जिनिलीया सुद्धा उपस्थित होती. तिने देखील पोस्ट शेअर करत सूरजचं भरभरून कौतुक केलं.