Bigg Boss Marathi Season 5 : ‘बिग बॉस मराठी’च्या पाचव्या पर्वातील स्पर्धक निक्की तांबोळी नेहमी चर्चेत असते. कधी वादग्रस्त विधानामुळे तर कधी चुकीच्या खेळामुळे चर्चेत असते. मंगळवारच्या ३ सप्टेंबरच्या भागात देखील निक्की पंढरीनाथ कांबळे व वर्षा उसगांवकरांचा अपमान करताना पाहायला मिळाली. अशातच निक्कीच्या वागणुकीवरून अभिनेत्री सोनाली पाटीलने तिला फटकारत मोलाचा सल्ला दिला आहे.
‘बिग बॉस मराठी’च्या ( Bigg Boss Marathi ) तिसऱ्या पर्वात झळकलेली अभिनेत्री सोनाली पाटीलने नुकताच व्हिडीओ शेअर केला आहे. या व्हिडीओमध्ये सोनाली म्हणतेय, “कालच्या ( ३ सप्टेंबर ) भागात निक्की कुठल्या परिस्थितीमध्ये कुठलीही ड्युटी करायला नकार देत होती. याचं कारण आर्याने पण सांगितलं आहे. निक्की नॉमिनेशनमध्ये आली आहे आणि खरंच ती नॉमिनेशनला घाबरते. का घाबरते हे माहित नाही. पण ती घाबरते. त्यामुळे तिने वर्षा ताईंना सांगितलं, मी ही ड्युटी करणार नाही. ती ड्युटी करणार नाही. ठीक आहे.”
हेही वाचा – ‘झिम्मा २’नंतर हेमंत ढोमेचा लवकरच येणार नवा चित्रपट, अभिनेत्याने स्वतःच्या गावात अन् शेतात केलंय चित्रीकरण
“पण एवढ्या सगळ्या गोष्टी झाल्यानंतर ज्यावेळेला ती असं म्हणत होती की, मी वॉशरूमची ड्युटी अजिबात करणार नाही. ती एवढे दिवस करत होतीच. तरीही ती म्हणाली, मी हे करणार नाही, ते करणार नाही. शिवाय ती बोट दाखवून म्हणत होती ना, मी टिश्यू असा किंवा तसा करणार नाही. निक्की तुला एक गोष्ट सांगते, जे प्रेक्षक डोक्यावर घेतात ना तेच प्रेक्षक डोक्यावरून खाली सुद्धा खेचतात. तू जे बोट करून बोललीस ना मी टिश्शू असा तसा करणार नाही. तू नॉमिनेशनमध्ये आली आहे आणि नॉमिनेशनमध्ये आल्यानंतर जेव्हा त्याच बोटांनी तुला प्रेक्षक एलिमिनेट करतील तेव्हा तू घराबाहेर असशील. त्यामुळे हा माज जरा कमी कर. प्रेक्षक हे प्रेक्षक आहेत,” असं सोनाली पाटील म्हणाली.
हेही वाचा – Video: ‘थोडं तुझं आणि थोडं माझं’ मालिकेतील पुर्णिमा तळवलकरांचा भाचीबरोबर जबरदस्त डान्स, व्हिडीओ व्हायरल
या आठवड्यासाठी कोण नॉमिनेट झालं?
दरम्यान, या आठवड्याच्या पहिल्या दिवशी नॉमिनेशन टास्क पार पडला. या नॉमिनेशन टास्कमध्ये घन:श्याम दरवडे, आर्या जाधव, सूरज चव्हाण, धनंजय पोवार, निक्की तांबोळी, अरबाज पटेल आणि अभिजीत सावंत या सात सदस्यांना घरातल्या इतर सदस्यांनी नॉमिनेट केलं आहे. त्यामुळे आता या सात सदस्यांमधून कोण घराबाहेर जाणार? हे पाहणं महत्त्वाचं असणार आहे.
