bigg boss marathi season 5 this contestant nominated in fourth week along with vaibhav chavan Bigg Boss Marathi : वैभवची 'ती' डील फसली! बेघर होण्यासाठी नॉमिनेट झाले ४ सदस्य, कोण आहेत ते?

Bigg Boss Marathi Nomination : 'बिग बॉस'च्या घरात पार पडला नॉमिनेशन टास्क, जाणून घ्या 'त्या' चार सदस्यांची नावं

Bigg Boss Marathi : नॉमिनेट झाले 'हे' ४ सदस्य

Bigg Boss Marathi Nomination Task : ‘बिग बॉस मराठी’च्या घरात नुकताच नॉमिनेशन टास्क पार पडला. या टास्कमध्ये नेमकं कोण नॉमिनेट झालं याबद्दल सविस्तर जाणून घेऊयात…

‘बिग बॉस मराठी’च्या ( Bigg Boss Marathi ) पाचव्या सीझनचा सध्या चौथा आठवडा सुरू आहे. या आठवड्यात सगळ्यात आधी घरात ‘सत्याचा पंचनामा’ हा टास्क पार पडला. या टास्कमध्ये ‘ए’ ग्रुप व ‘बी’ ग्रुप अशा दोन टीम केल्या गेल्या होत्या. दोन्ही टिमने विरुद्ध संघातील सदस्यांना बीबी करन्सी जिंकू दिली नाही. दोन्ही संघांना एकही रुपया जिंकता न आल्याने ‘बिग बॉस’ने याचे गंभीर परिणाम भोगावे लागतील असं आधीच स्पष्ट केलं होतं.

‘बिग बॉस’ने दिलेल्या सूचक इशाऱ्यानुसार अरबाजला डिलेमा रुममध्ये बोलावण्यात आलं. एकतर कॅप्टनपद किंवा बीबी करन्सी यामधला एक पर्याय त्याला निवडायचा होता. अखेर अरबाजने कॅप्टन्सीवर पाणी सोडत घरातल्या सदस्यांचा विचार करून बीबी करन्सीची निवड केली. तर, त्याच्या जागी घराचा कॅप्टन निक्कीला बनवलं.

हेही वाचा : Video: निक्की तांबोळी आणि जान्हवी किल्लेकरशी आर्याने घेतला पंगा; नेटकरी म्हणाले, “तू फक्त नड….”

Bigg Boss Marathi – हे चार सदस्य झाले नॉमिनेट

आता निक्की कॅप्टन झाल्याने ती या आठवड्यात सेफ होती. त्यामुळे उर्वरित सदस्यांमध्ये नॉमिनेशन टास्क खेळवण्यात आला. प्रत्येकाच्या गळ्यात एकमेकांचे फोटो आहेत. उदाहरणार्थ, अंकिताच्या गळ्यात सूरज, सूरजच्या गळ्यात वर्षा उसगांवकर, जान्हवीच्या गळ्यात आर्या, आर्याच्या गळ्यात इरिनाचा फोटो होता. ज्यांना फोटोतील सदस्यांना नॉमिनेट करायचं असेल त्यांनी पळत जाऊन बझर वाजवायचा. जो आधी बझर वाजवेल त्या सदस्याला नॉमिनेट करण्यासाठी संबंधित सदस्याचा फोटो चुलीत जाळण्याची संधी मिळेल.

सगळ्यात आधी जान्हवीने बझर वाजवून आर्याला नॉमिनेट केलं. त्यानंतर आर्याने इरिनाला नॉमिनेट केलं. या टास्कमध्ये अभिजीतच्या पायाला दुखापत झाली होती. त्यामुळे अभिजीतने अरबाजला सांगितलं, “घनश्याम:ने मला नॉमिनेट करूदेत पण, या बदल्यात तुम्ही मला वैभवला नॉमिनेट करायला द्यायचं.” ही डील ग्रुप ‘ए’ला मंजूर नव्हती तरीही शेवटी अभिजीत काही झालं तरी आपल्या मतावर ठाम होता. परिणामी, वैभव शब्द देऊन मोकळा झाला आणि त्याची डील फसली. शेवटच्या राऊंडमध्ये अभिजीतने वैभवला नॉमिनेट केलं.

हेही वाचा : Quiz : कोणी काढला टॅटू, तर कोणी कापले केस? ‘बिग बॉस मराठी’चे कट्टर चाहते देऊ शकतात ‘या’ १० प्रश्नांची उत्तरं

View this post on Instagram

A post shared by Colors Marathi (@colorsmarathi)

दरम्यान, आता या आठवड्यात घरातून बेघर होण्याच्या प्रक्रियेसाठी आर्या जाधव, इरिना, अभिजीत सावंत आणि वैभव चव्हाण हे चार सदस्य नॉमिनेट झाले आहेत. आता यांच्यापैकी घराचा ( Bigg Boss Marathi ) निरोप कोण घेणार हे पाहणं महत्त्वाचं ठरणार आहे.

Web Title: Bigg boss marathi season 5 this contestant nominated in fourth week along with vaibhav chavan sva 00

Bigg Boss Marathi : वैभवची ‘ती’ डील फसली! बेघर होण्यासाठी नॉमिनेट झाले ४ सदस्य, कोण आहेत ते?

Bigg Boss Marathi Nomination : 'बिग बॉस'च्या घरात पार पडला नॉमिनेशन टास्क, जाणून घ्या 'त्या' चार सदस्यांची नावं

Bigg Boss Marathi – हे चार सदस्य झाले नॉमिनेट