Bigg Boss Marathi Season 5 : ‘बिग बॉस मराठी’च्या पाचव्या पर्वाच्या अंतिम आठवडा सुरू झाला आहे. या अंतिम आठवड्यात अभिजीत सावंत, निक्की तांबोळी, धनंजय पोवार, जान्हवी किल्लेकर, सूरज चव्हाण, अंकिता वालावलकर आणि वर्षा उसगांवकर हे सात सदस्य पोहोचले आहेत. या सात सदस्यांपैकी एक जण ‘बिग बॉस मराठी’च्या पाचव्या पर्वाचा विजेता होणार आहे.
रविवार पंढरीनाथ कांबळे ‘बिग बॉस मराठी’च्या ( Bigg Boss Marathi ) घराबाहेर झाला. कमी मतं मिळाल्यानं पंढरीनाथ कांबळेची अंतिम आठवड्यात पोहोचण्याची थोडक्यात संधी हुकली. नवव्या आठवड्यात घरातील सर्व सदस्यांना ‘बिग बॉस’ने नॉमिनेट केलं होतं. त्यामध्ये सूरज आणि निक्की सर्वात आधी सेफ झाले. त्यानंतर अभिजीत आणि वर्षा उसगांवकर घराबाहेर जाण्यापासून वाचले. पुढे धनंजय, जान्हवी आणि अंकिता सेफ असल्याचं जाहीर करून पंढरीनाथ ( Pandharinath Kamble ) घराबाहेर जाणार असल्याचं ‘बिग बॉस’ने सांगितलं. यावेळी घराबाहेर जाताना पंढरीनाथने म्युच्युचल फंड कॉइनचा वारसदार म्हणून सूरजचा निवडलं आणि एक मोठा निर्णय जाहीर केला.
हेही वाचा – लठ्ठपणावरून ट्रोल करणाऱ्यावर अक्षया नाईक संतापली, मुंबई पोलिसांना टॅग करत म्हणाली, “ही व्यक्ती इतकी…”
पंढरीनाथ म्हणाला की, माझ्या कॉइनचा वारसदार सूरज चव्हाण असेल. तो माझ्या सगळ्या गोष्टींचा वारसदार असेल आणि मी त्याचं पालकत्व आयुष्यभरासाठी घेतलं आहे. पंढरीनाथचा हा व्हिडीओ सध्या सोशल मीडियावर खूप व्हायरल झाला आहे. पंढरीनाथ ‘बिग बॉस मराठी’च्या बाहेर आल्यानंतर त्याची जिवलग मैत्रीण विशाखा सुभेदारने ( Vishaka Subhedar ) पहिली पोस्ट केली आहे.
पंढरीनाथ कांबळेचा व्हायरल झालेला व्हिडीओ शेअर करत विशाखाने लिहिलं आहे, “हा आम्हा काही मित्र मैत्रिणींचा देव…#apalapaddy” तसंच विशाखाने पंढरीनाथ संदर्भातील एक व्हायरल पोस्ट देखील शेअर केली आहे.
हेही वाचा – Video: महाराष्ट्राच्या मातीतील अस्सल झन्नाट प्रेमकथा ‘या’ तारखेपासून येणार प्रेक्षकांच्या भेटीस, ‘लय आवडतेस तू मला’ नव्या मालिकेची वेळ जाणून घ्या…
दरम्यान, ‘बिग बॉस मराठी’चं ( Bigg Boss Marathi ) पाचवं पर्व सुरू झाल्यापासून विशाखा सुभेदार पंढरीनाथ कांबळेला पाठिंबा देताना पाहायला मिळाली. पंढरीनाथ संदर्भात ती सतत पोस्ट लिहायची. कोणी पंढरीनाथवर टीका केली तर त्याला परखड उत्तर द्यायची.
