Bigg Boss Marathi Season 5 : ‘बिग बॉस मराठी’च्या पाचव्या सीझनची पहिली कॅप्टन ‘कोकण हार्टेड गर्ल’ अंकिता वालावलकर झाली आहे. यानंतर आजच्या भागात घरातल्या सगळ्या सदस्यांमध्ये बीबी करन्सीचं वाटप करून ‘बिग बॉस’कडून एकूण सात जोड्या बनवण्यात आल्या. या जोड्यांना ‘बिग बॉस’ हबमध्ये जाऊन एकमताने निर्णय घेऊन घरासाठी यंदाच्या आठवड्याची खरेदी करायची होती.
‘बिग बॉस’ने धनंजय पोवार – अरबाज पटेल, वर्षा उसगांवकर – जान्हवी किल्लेकर, वैभव चव्हाण – इरिना, निक्की – घन:श्याम, योगिता चव्हाण – पंढरीनाथ कांबळे, निखिल दामले – सूरज चव्हाण, आर्या – अभिजीत सावंत अशा एकूण ७ जोड्या बनवल्या होत्या. यामध्ये घराची कॅप्टन असल्याने अंकिता स्वतंत्र राहिली. या जोड्यांनी ‘बिग बॉस’ हबमध्ये जाऊन जीवनावश्यक वस्तूंची खरेदी केली.
सगळ्या जोड्यांनी आवश्यक सामानाची खरेदी केल्यावर ‘बिग बॉस’ने एक मोठा ट्विस्ट सदस्यांना सांगितला. यामुळे जवळपास सर्वांची कोंडी झाली. हा ट्विस्ट म्हणजे, कोणत्या सदस्यांनी काय-काय विकत घेतलंय याचा वापर घरात होईल का? याचा संपूर्ण विचार करून प्रत्येक जोडीला एकूण दोन जोड्यांना नॉमिनेट करायचं होतं. नॉमिनेट झालेल्या जोड्यांचं सामान ‘बिग बॉस’कडून जप्त करण्यात येणार होतं. यानुसार घराबाहेर होण्याच्या प्रक्रियेसाठी एकूण सहा सदस्यांना नॉमिनेट करण्यात आलं.
हेही वाचा : Bigg Boss Marathi : “लायकी, भीक अशी घाणेरडी भाषा…”, योगिताच्या नवऱ्याची खरमरीत पोस्ट; म्हणाला…
Bigg Boss Marathi : सहा सदस्य झाले नॉमिनेट
योगिता-पॅडी यांनी अंडी विकत घेतली होती. हे दोन्ही सदस्य जास्त चर्चेत नसल्याने घरातील इतर सदस्यांनी बहुमताने अंड्यांचा त्याग करण्याचा निर्णय घेतला आणि या दोघांना नॉमिनेट केलं. यानंतर अंकिताने बाथरुम विकत घेतल्याने एकूण दोन बाथरुमची सध्या आवश्यकता नाही असा विचार करून निखिल – सूरजला घरातील इतर सदस्यांकडून नॉमिनेट करण्यात आलं. तर, निक्की आणि घन:श्यामने विकत घेतलेले बटाटे आणि टोमॅटो याशिवाय संपूर्ण आठवडा काढता येईल असा विचार करून, त्यांना देखील काही सदस्यांनी घराबाहेर होण्याच्या प्रक्रियेसाठी नॉमिनेट केलं.
हेही वाचा : Bigg Boss Marathi : “हे लोक घरातले गुंड…”, प्रसिद्ध निर्मात्यांनी जान्हवीसह वैभव-अरबाजला सुनावलं; म्हणाले, “अतिशय वाईट…”
‘बिग बॉस’ने दिलेल्या सगळ्या नियमांनुसार योगिता, पंढरीनाथ, निक्की, घन:श्याम, सूरज आणि निखिल असे सहा सदस्य या आठवड्यात घराबाहेर होण्याच्या प्रक्रियेसाठी नॉमिनेट झाले आहेत. आता यांच्यापैकी घराचा निरोप कोण घेणार हे पाहणं महत्त्वाचं ठरणार आहे.
