Bigg Boss Marathi Season 5 : 'बिग बॉस मराठी'च्या पाचव्या पर्वाचा सातवा आठवडा आजपासून सुरू होणार आहे. घरात पहिल्याच दिवशी संग्राम चौगुले या वाइल्ड कार्ड स्पर्धकाची एन्ट्री होणार आहे. आता या नव्या सदस्याची एन्ट्री झाल्यावर घरातील समीकरण कसं बदलणार हे पाहणं महत्त्वाचं ठरणार आहे. मात्र, तत्पूर्वी आलेल्या एका नव्या प्रोमोने सध्या सर्वांचं लक्ष वेधून घेतलं आहे. घरात पहिल्या दिवसापासून निक्की विरुद्ध वर्षा उसगांवकर हा संघर्ष पाहायला मिळाला होता. निक्कीला तिच्या प्रत्येक भांडणात अरबाज पटेल साथ देत असतो. अगदी रितेश देशमुखने भाऊच्या धक्क्यावर सुद्धा अरबाजची याप्रकरणी कानउघडणी केली आहे. अशातच 'बिग बॉस मराठी'च्या नव्या प्रोमोमध्ये वर्षा उसगांवकर निक्कीवरून अरबाजची फिरकी घेत असल्याचं पाहायला मिळत आहे. हेही वाचा : Bigg Boss Marathi : “माझी लायकी काढली, मतिमंद, बालिश…”, जान्हवीशी कडाक्याचं भांडण का झालं? घन:श्याम म्हणाला, “तिला नेहमी…” Bigg Boss Marathi : वर्षा उसगांवकरांनी घेतली अरबाजची फिरकी अरबाज या प्रोमोमध्ये वर्षा उसगांवकरांच्या मागे-मागे जात "ताई मला चिप्स द्या ना …" अशी विनवणी करत असल्याचं पाहायला मिळतं. यावर वर्षा म्हणतात, "मला मस्का लाव… मी जगातली सर्वात सुंदर स्त्री आहे असं म्हण." अभिनेत्रीने सांगितल्याप्रमाणे, "ताई तुम्ही जगातल्या सर्वात सुंदर स्त्री आहात" असं अरबाज म्हणतो. Bigg Boss Marathi : वर्षा उसगांवकर आणि अरबाज पटेल ( फोटो सौजन्य : कलर्स मराठी वाहिनी ) "निक्की आणि माझ्या भांडणात तू नेहमी माझी बाजू घेणार असं म्हण" असं वर्षा उसगांवकर अरबाजला सांगतात. यावर अरबाज खूपच चतुराईने उत्तर देतो. तो म्हणतो, "मी नेहमी तुमची आणि तिची बाजू घेणार ताई". यानंतर निक्की काहीशी लाजते, तर दुसरीकडे संपूर्ण घरात एकच हास्यकल्लोळ झाल्याचं या प्रोमोमध्ये ( Bigg Boss Marathi ) पाहायला मिळत आहे. हेही वाचा : दीपिका पादुकोण- रणवीर सिंगच्या लेकीसाठी नेटकऱ्यांनी सुचवली सुंदर नावं, तुम्हाला ‘या’ यादीतील कोणतं नाव आवडलं? दरम्यान, नेटकऱ्यांनी या प्रोमोवर कौतुकाचा वर्षाव केला आहे. घरातलं खेळीमेळीचं वातावरण पाहून अनेकांनी आनंद व्यक्त केला आहे. "या घरात वर्षा ताई खूप हसवतात", "वर्षा ताई जबरदस्त" अशा कमेंट्स नेटकऱ्यांनी या प्रोमोवर ( Bigg Boss Marathi ) केल्या आहेत.
