Video: “…तर मी नग्न होऊन नाचेन”, रेव्ह पार्टीमध्ये सापाचं विष पुरवठा केल्याच्या आरोपावर एल्विश यादवचं मोठं वक्तव्य, म्हणाला…

गेल्या वर्षी नोव्हेंबरमध्ये एल्विशवर रेव्ह पार्टीत सापाचं विष पुरवठा केल्याचा गंभीर आरोप करण्यात आला होता. नोएडाच्या सेक्टर ४९ पोलीस ठाण्यात एल्विशविरोधात गुन्हा दाखल केला होता. याप्रकरणी पाच जणांना अटक करण्यात आली होती. अलीकडेच याप्रकरणाचे फॉरेन्सिक सायन्स लॅबोरेटरीकडून अहवाल आले. ज्यातून रेव्ह पार्टीच्या नमुन्यांमध्ये सापाचं विष असल्याचं स्पष्ट झालं. त्यामुळे एल्विशवर कारवाई होण्याची टांगती तलवार आहे. पण अशातच त्याने याप्रकरणी एक मोठं वक्तव्य केलं आहे.

हेही वाचा – आपली यारी लय भन्नाट हाय! सई लोकूर, शर्मिष्ठा राऊत आपल्या पतीसह मेघा धाडेच्या नव्या व्हिलावर सुट्ट्या करतायत एन्जॉय, पाहा व्हिडीओ

एल्विशचा एक व्हिडीओ समोर आला आहे. ज्यामध्ये तो माध्यमांवर निशाणा साधत म्हणाला, “रेव्ह पार्टीमध्ये एल्विश यादव कुठे होता? पोलिसांनी हे सांगितलं नाही. मूळात मी पोलिसांना सापडलोच नाही, कारण मी मुंबईत होतो. पीएफए गुगल करालं तर तुम्हाला समजेल ते नियम काय आहेत. कुठल्याही सामान्य व्यक्तीवर खोटा गुन्हा दाखल केला जातो आणि मग त्यांच्याकडून केस मागे घेण्यासाठी पैसे मागतात. त्यामुळे आता हे सिद्ध करू दाखवा की, मी तिथे होतो आणि ती माझी रेव्ह पार्टी होती. जर हे सिद्ध झालं तर मी नग्न होऊन नाचेन.”

हेही वाचा – Video: साखरपुड्यातला प्रथमेश परबचा भावाबरोबरचा भन्नाट डान्स पाहिलात का? अमिताभ बच्चन यांच्या ‘या’ गाण्यावर थिरकले

दरम्यान, एल्विशचा चाहता वर्ग मोठ्या प्रमाणात आहे. व्लॉग, व्हिडीओच्या जोरावर त्याने कोट्यवधी लोकांची मनं जिंकली आहे. माहितीनुसार, एल्विशचं नेटवर्थ २ कोटी रुपये असू शकतं.