‘बिग बॉस मराठी’च्या चौथ्या पर्वाचा विजेता अक्षय केळकर नेहमी चर्चेत असतो. कधी वैयक्तिक आयुष्यामुळे तर कधी व्यावसायिक आयुष्यामुळे तो चर्चेत असतो. अशा या चर्चेत असणाऱ्या अक्षयला मुंबईत म्हाडाचं घर लागलं असून काल त्यानं स्वतःच्या हक्काच्या घराचा व्हिडीओ सोशल मीडियावर शेअर करून चाहत्यांना आनंदाची बातमी दिली.
अभिनेता अक्षय केळकरने यावर्षी म्हाडाच्या मुंबईच्या प्रकल्पासाठी अर्ज केला होता. या सोडतीमध्ये तो विजेता ठरला आणि त्याला हक्काच घर मिळालं. “माझं पहिलं घर ते ही मुंबईत” अशी पोस्ट लिहित काल अक्षयने नव्या घराचा व्हिडीओ सोशल मीडियावर शेअर केला. तेव्हापासून अक्षयवर कलाकार मंडळींसह चाहते शुभेच्छांचा वर्षाव करत आहे. अभिनेत्री समृद्धी केळकर, प्रथमेश परब, योगिता चव्हाण, अक्षया नाईक, सोनाली पाटील, ऋतुजा बागवे, अश्विनी कासार, शर्मिला शिंदे, सुकन्या मोने अशा अनेक कलाकारांनी अक्षयला शुभेच्छा दिल्या आहेत.
हेही वाचा – शशांक केतकरला ‘या’ बॉलीवूड अभिनेत्रींना घेऊन जायला आवडेल डेटवर; अभिनेता म्हणाला, “मला…”
पण बॉलीवूडची ड्रामा क्वीन राखी सावंतने अक्षयला शुभेच्छा देण्याऐवजी सल्ला दिला आहे. अक्षय केळकरचं नवं घर पाहून राखी सावंत म्हणाली की, आता लवकर लग्न कर भाई. राखीच्या या सल्ल्यावर अद्याप अक्षयने कोणतीही प्रतिक्रिया दिलेली नाही.
हेही वाचा – टीआरपीच्या शर्यतीत वरचढ ठरली ‘लक्ष्मीच्या पाऊलांनी’ आलेली कला; जुन्या मालिकांना मागे टाकतं मारली बाजी
दरम्यान, अक्षय विजेता ठरलेल्या ‘बिग बॉस मराठी’च्या चौथ्या पर्वात राखी सावंत झळकली होती. त्यामुळे अक्षय आणि राखीची चांगली मैत्री आहे.
