मराठी मनोरंजनसृष्टील लोकप्रिय अभिनेत्री म्हणजे श्रेया बुगडे. झी मराठीवरील ‘चला हवा येऊ द्या’ कार्यक्रमातून श्रेया घराघरांत पोहोचली. ‘कॉमेडी क्वीन’ म्हणूनही श्रेयाला ओळखले जाते. सोशल मीडियावर श्रेया मोठ्या प्रमाणात सक्रिय आहे. निरनिराळे व्हिडीओ व फोटो शेअर करीत ती चाहत्यांना अपडेट देत असते. अशात श्रेयाने सोशल मीडियावर शेअर केलेली पोस्ट चांगलीच चर्चेत आली आहे.
हेही वाचा- Video: ‘झी मराठी’वरील दोन नव्या मालिकांचे प्रोमो समोर, ‘या’ अभिनेत्री झळकणार मुख्य भूमिकेत
श्रेया व तिचा पती निखिलने नुकताच लग्नाचा नववा वाढदिवस साजरा केला. लग्नाच्या वाढदिवसानिमित्त नवऱ्याने श्रेयासाठी खास सरप्राइजचे आयोजन केले होते. श्रेयाने इन्स्टाग्रामवर या सेलिब्रेशनचे खास फोटो शेअर केले आहेत. श्रेया व निखिलने एका yacht वर लग्नाचा नववा वाढदिवस साजरा केला. त्यासाठी एका संपूर्ण होडी (yacht)ला फुग्यांनी सजवण्यात आले होते. या प्रसंगी निखिलने श्रेयाला गुलाबांचा गुच्छही भेट स्वरूपात दिला आहे. श्रेयाने नवऱ्याबरोबरचे काही रोमँटिक फोटोही इन्स्टाग्रामवर शेअर केले आहेत. श्रेयाची ही पोस्ट सोशल मीडियावर मोठ्या प्रमाणात व्हायरल झाली आहे. अनेकांनी कमेंट्स करीत तिला लग्नाच्या वाढदिवसाच्या शुभेच्छा दिल्या आहेत.
व्यावसायिक आयुष्याबद्दल श्रेया भरभरून बोलताना दिसते. मात्र, तिच्या खासगी आयुष्याबद्दल चाहत्यांना फारशी माहिती नाही. श्रेयाच्या नवऱ्याचे संपूर्ण नाव निखिल सेठ, असे आहे. एका मालिकेच्या सेटवर श्रेया व निखिलची पहिली भेट झाली. पहिल्याच भेटीत निखिलला श्रेया आवडली होती. त्यामुळे तो तिच्याबरोबर मैत्री करण्याचा प्रयत्न करीत होता. मात्र, श्रेयाकडून तसे काहीच नव्हते. दरम्यान, काही कारणाने दोघांमध्ये भांडण झाले आणि दोघांनी एकमेकांशी बोलणे बंद केले.
हेही वाचा-
काही दिवसांनी एका मालिकेचा निर्माता म्हणून निखिलचे नाव बघितल्यानंतर श्रेयाने त्याला शुभेच्छा देण्यासाठी फोन केला. त्यानंतर त्यांच्यातील थांबलेला संवाद पुन्हा सुरू झाला. दरम्यान, निखिलला लग्नासाठी मुली बघणे सुरू होते. निखिलला श्रेया आवडायची. त्यामुळे त्याने श्रेयालाच लग्नाची मागणी घातली. श्रेयालाही निखिल आवडू लागला होता. त्यामुळे तिनेही लगेच होकार दिला आणि २०१५ मध्ये दोघांनी लग्नगाठ बांधली.
