छोट्या पडद्यावरील प्रसिद्ध बालकलाकार म्हणून मायरा वायकुळला ओळखले जाते. ‘माझी तुझी रेशीमगाठ’ या मालिकेमुळे ती प्रसिद्धीझोतात आली. या मालिकेत तिने परी हे पात्र साकारलं होतं. या पात्राने अल्पावधीतच प्रेक्षकांच्या मनात एक वेगळे स्थान निर्माण केले होते. सध्या मायरी ही ‘नीरजा- एक नई पहचान’ या मालिकेत झळकत आहे. त्यातच आता तिने मुख्यमंत्री एकनाथ शिंदे यांची भेट घेतली. याचा एक व्हिडीओ तिने शेअर केला आहे.
मायरा वायकुळ ही सोशल मीडियावर कायमच सक्रीय असते. नुकतंच तिने इन्स्टाग्रामवर एक व्हिडीओ पोस्ट केला आहे. या व्हिडीओला तिने “ग्रेट भेट मा. मुख्यमंत्री महाराष्ट्र राज्य श्री एकनाथ शिंदे साहेब”, असे कॅप्शन दिले आहे.
आणखी वाचा : “नाचणीची भाकरी, मच्छी फ्राय अन्…” प्रसिद्ध मराठमोळ्या अभिनेत्रीने चुलीवर बनवलं जेवण, व्हिडीओ शेअर करत म्हणाली…
या व्हिडीओत एकनाथ शिंदे मायराची विचारपूस करताना दिसत आहेत. त्यानंतर मायराही त्यांना वाकून पायाला हात लावून नमस्कार करताना पाहायला मिळत आहे. त्याबरोबरच मायरा ही मुख्यमंत्री एकनाथ शिंदे यांच्याबरोबर फोटो काढताना दिसत आहे.
त्याबरोबरच मायरा ही देवीचे दर्शन घेताना आणि प्रसाद घेतानाही पाहायला मिळत आहे. तिचा हा व्हिडीओ सध्या सोशल मीडियावर व्हायरल होत आहे. यावेळी तिच्या कृतीचे कौतुक केले जात आहे. मायराच्या व्हिडीओवर अनेक कलाकार कमेंट करताना दिसत आहेत. “ताई, मायराला संस्कार खूप छान दिलेत”, अशी कमेंट अनेकांनी यावर केली आहे.
आणखी वाचा : “…म्हणून मी अभिषेक जावकरशी लग्न केले”, अखेर प्रार्थना बेहेरेने उघड केले गुपित
दरम्यान मायरा सध्या कलर्स वाहिनीवरील ‘नीरजा- एक नई पहचान’ या मालिकेत झळकत आहे. या मालिकेत ती नीरजा हे पात्र साकारत आहे. या मालिकेत अभिनेत्री स्नेहा वाघ, काम्या पंजाबी झळकताना दिसत आहे.
