आज आहे बालदिन. दरवर्षी १४ नोव्हेंबरला भारताचे पहिले पंतप्रधान पंडित जवाहरलाल नेहरू यांच्या जन्मदिनी बालदिन साजरा केला जातो. जवाहरलाल नेहरू यांचं मुलांवरील प्रेम पाहून त्यांचा जन्मदिनी बालदिन म्हणून साजरा करण्याचा निर्णय घेण्यात आला. त्यामुळे आज कलाकार मंडळी आपले बालपणीचे फोटो शेअर करून बालदिनाच्या शुभेच्छा देताना दिसत आहे.
सध्या दोन चिमुकल्यांचा फोटो सोशल मीडियावर खूप व्हायरल होत आहे. या दोन गोड चिमुकल्या सध्या अभिनय क्षेत्रात सक्रिय असून प्रेक्षकांच्या मनावर अधिराज्य गाजवत आहे. दोन्ही चिमुकल्यांचा अभिनय प्रेक्षकांच्या चांगलाच पसंतीस पडला. त्यामुळे दोघींच्या मालिका लोकप्रियतेच्या शिखरावर आहेत. यावरून आता लक्षात आलं असेल की, या गोड चिमुकल्या कोण आहेत?
फ्रॉकमध्ये असलेल्या गोड, निरागस चेहऱ्याच्या या चिमुकल्या दोघी सख्या बहिणी आहेत. आता तर निश्चितच ओळखलं असेल. लाल फ्रॉकमधील चिमुकली आहे अभिनेत्री तितीक्षा तावडे तर पांढऱ्या फ्रॉकमधील चिमुकली आहे अभिनेत्री खुशबू तावडे. या दोघींचा फोटो खुशबूच्या फॅनपेजने शेअर केला आहे; जो सध्या चांगलाच चर्चेत आला आहे.
हेही वाचा – Video: ‘प्रेमाची गोष्ट’ मालिकेतील सई कोणाची निवड करणार सागर की सावनीची? पाहा मालिकेचा नवा प्रोमो
अभिनेत्री तितीक्षा तावडे सध्या ‘झी मराठी’वरील ‘सातव्या मुलीची सातवी मुलगी’ या मालिकेत प्रमुख भूमिकेत पाहायला मिळत आहे. तिच्या या मालिकेला प्रेक्षकांचा उदंड प्रतिसाद मिळत आहे. तसेच अभिनेत्री खुशबू तावडे काही महिन्यांपूर्वी ‘झी मराठी’वर सुरू झालेल्या ‘सारं काही तिच्या’ या मालिकेतून प्रेक्षकांच मनोरंजन करत आहेत. तिने साकारलेली उमा या भूमिकेने अल्पावधीत प्रेक्षकांच्या मनात घर निर्माण केलं आहे. खुशबूची ही मालिका सध्या लोकप्रिय मालिकांपैकी एक आहे.
हेही वाचा – “…प्रियाला हाण हाण हाणा”, ‘ठरलं तर मग’ मालिकेतील अर्जुनने सायलीसाठी घेतला मजेशीर उखाणा
दरम्यान, तितीक्षा व खुशबूने यापूर्वी अनेक मालिकांमध्ये काम केलं आहे. दोघींनी मराठीसह हिंदी मनोरंजनसृष्टीतही आपल्या अभिनयाची छाप उमटवली आहे.
