मालिका विश्वामधील सुप्रसिद्ध जोडी म्हणजे गुरमीत चौधरी व देबिना बॅनर्जी. या सेलिब्रिटी कपलला आजवर प्रेक्षकांनी, चाहत्यांनी भरभरुन प्रेम दिलं. या दोघांच्या लग्नाला ११ वर्ष पूर्ण झाली. त्यानंतर गुरमीत-देबिनाने आई-बाबा होण्याचा निर्णय घेतला. एप्रिलमध्ये त्यांनी एका गोंडस मुलीला जन्म दिला. आता पुन्हा एकदा गुरमीत-देबिनाच्या घरी चिमुकलीचं आगमन झालं आहे. आता देबिनाने तिच्या इन्स्टाग्राम अकाऊंटद्वारे रुग्णालयामधील एक व्हिडीओ शेअर केला आहे.
देबिनाने पुन्हा एकदा आई होण्याचा निर्णय घेतला. तिने तिच्या इन्स्टाग्राम अकाऊंटद्वारे खास पोस्ट शेअर करत याबाबत माहिती दिली. नऊ महिने पूर्ण होण्याआधीच तिने बाळाला जन्म दिला. म्हणून डॉक्टरांच्या निरीक्षणाखाली देबिनाच्या मुलीला ठेवण्यात आलं होतं. आता ती रुग्णालयामधून घरी जाण्यास तयार झाली आहे.
देबिनाने रुग्णालयामधील व्हिडीओ इन्स्टाग्राम स्टोरीद्वारे शेअर करत म्हटलं की, “आमची लाडकी लेक या जगामध्ये लवकर आली. तुम्ही केलेली प्रत्येक प्रार्थना आमच्या लक्षात आहे. आता ती एकदम ठीक आहे. डॉक्टरांनी जी काही मेहनत घेतली त्यासाठी त्यांचे धन्यवाद. वडील गुरमीत व आई देबिना लेकीला घरी घेऊन जाण्यासाठी उत्सुक आहेत.”
देबिनाने शेअर केलेल्या व्हिडीओमध्ये गुरमित आपल्या मुलीकडे अगदी प्रेमाने पाहताना दिसत आहे. खरं तर देबिनाने एप्रिल २०२२मध्ये पहिल्या मुलीला जन्म दिला. त्यानंतर नोव्हेंबर महिन्यात ती पुन्हा आई झाली आहे. म्हणजेच नऊ महिन्यांआधीच तिची प्रेग्नेंसी झाली आहे. आई व बाळ दोघेही सुखरुप आहेत. गुरुमीत व देबिनाचं सगळेच जण सोशल मीडियाच्या माध्यमातून अभिनंदन करत आहेत.
