टीव्ही अभिनेत्री दीपिका कक्कर सध्या सोशल मीडियावर बरीच चर्चेत आहे. काही महिन्यांपूर्वीच दीपिका व तिचा पती अभिनेता शोएब इब्राहिमने चाहत्यांना गुडन्यूज दिली. दीपिकाने ती गरोदर असल्याचं सोशल मीडियाद्वारे सांगितलं. शिवाय त्यानंतर गरोदरपणातील प्रत्येक गोष्टी ती व्हिडीओच्या माध्यमातून चाहत्यांपर्यंत पोहोचवताना दिसते. शिवाय तिचं स्वतःचं युट्यूब चॅनलही आहे. याच चॅनलद्वारे तिने एक शेअर केलेला व्हिडीओ सध्या सोशल मीडियावर चर्चेचा विषय ठरत आहे.
गरोदरपणात दीपिकाला अनेक गोष्टींचा सामना करावा लागत आहे. आताही दीपिकाला एक त्रास सहन करावा लागत आहे. दीपिका सध्या जेस्टेशनल डायबिटीजचा (गरोदरपणात होणार मधुमेह) सामना करत आहे. बहुतांश गरोदरपणातील महिलांना याप्रकारच्या मधुमेहाचा त्रास असतो. दीपिकाच्याही वाट्याला हा आजार आला आहे.
आणखी वाचा – आलिया भट्टनंतर आता सासूबाईंनीही खरेदी आलिशान घर; किंमत जाणून अवाक् व्हाल
या आजारामुळे दीपिकाला सध्या डॉक्टरांनी स्वतःची अधिकाधिक काळजी घेण्यास सांगितली आहे. तसेच गोड पदार्थ न खाण्याचाही सल्ला दिला आहे. डॉक्टरांच्या म्हणण्यानुसार, भात, खजूर, बेक केलेले पदार्थ खाण्यासही दीपिकाने सध्या टाळलं आहे. दीपिका नेहमी एक तास तरी चालते. आता मधुमेहाचा रिपोर्ट आल्यानंतर ती रात्रीच्या जेवणानंतरही चालते. असं दीपिकाने स्वतःच तिच्या व्हिडीओमध्ये सांगितलं.
दीपिकाने २०१३ साली रौनक सॅमसनशी लग्न केलं होतं. रौनक एक पायलट होता. लग्नाच्या काही महिन्यानंतरच दीपिका आणि रौनक यांच्यात वाद होऊ लागले. २०१५ मध्ये म्हणजे अवघ्या दोन वर्षांतच दीपिका आणि रौनक यांचा घटस्फोट झाला. दरम्यान दीपिका व शोएबची ओळख झाली. या दोघांमधील मैत्रीच्या नात्याचं प्रेमात रुपांतर झालं. २०१८ मध्ये शोएबशी तिने थाटामाटात लग्न केलं.
