दिग्दर्शक रवी जाधव यांच्या 'टाईमपास' चित्रपटातने बॉक्स ऑफिसवर चांगली कमाई केली होती. या चित्रपटातील संवादांमुळे हा चित्रपट गाजला होता. आजही प्रेक्षकांना यातील संवाद लक्षात आहेत. टाईमपासच्या यशानंतर दिग्दर्शक रवी जाधव यांनी चित्रपटाचा पुढील भाग प्रेक्षकांसाठी घेऊन आले आणि नुकताच या चित्रपटाचा तिसरा भागदेखील प्रदर्शित झाला होता. तिसऱ्या भागात ऋता दुर्गुळे दिसली होती. ‘महाराष्ट्राची क्रश’ अशी ओळख असलेल्या ऋताने छोट्या पडद्यावरील अनेक मालिकांमधून प्रेक्षकांच्या मनावर छाप पाडली. 'टाईमपास ३' चित्रपटात ती एका वेगळ्या भूमिकेत आपल्या समोर आली आहे. या चित्रपटातील गाणी, डायलॉग हे सोशल मीडियावर चांगलेच चर्चेत होते. या चित्रपटाने बॉक्स ऑफिसवरदेखील चांगली कमाई केली होती. आता चित्रपट छोट्या पडद्यावर प्रेक्षकांना पाहता येणार आहे. ३० ऑक्टोबर रोजी दुपारी १२ वाजता झी मराठी वाहिनीवर हा चित्रपट दाखवण्यात येणार आहे. IND vs PAK T20 World Cup 2022 : भारत पाक सामन्यातला शाहरुख खानचा जुना व्हिडीओ झाला व्हायरल या चित्रपटात दगडूच्या भूमिकेत प्रथमेश परब, ऋता दुर्गुळे ही पालवी, माधव लेले उर्फ शाकाल म्हणजेच वैभव मांगले, शांताराम परब म्हणजे भाऊ कदम, आरती वडगबाळकर, दगडू गॅंग आणि पालवीच्या वडिलांच्या भूमिकेत संजय नार्वेकर बघायला मिळत आहेत. https://www.youtube.com/watch?v=vs-KmljWWhQ&ab_channel=Loksatta या चित्रपटात एकूण पाच गाणी असून ती क्षितीज पटवर्धन यांनी लिहिली आहेत. तर संगीत अमितराज यांचं आहे. या चित्रपटाची कथा रवी जाधव यांची असून प्रियदर्शन जाधव याने चित्रपटाची पटकथा आणि संवाद लिहिले आहेत. झी स्टुडिओज आणि अथांश कम्युनिकेशनची निर्मिती असलेल्या 'टाइमपास ३' चे दिग्दर्शन रवी जाधव यांनी केले आहे.
