Video: “डोळ्यात पाणी आणलंत…”, ड्रामा ज्युनिअर्सने ‘धर्मवीर’ चित्रपटातील केलेला ‘तो’ सीन पाहून प्रवीण तरडेंची प्रतिक्रिया, पाहा व्हिडीओ

‘ड्रामा ज्युनिअर्स’ ( Drama Juniors ) कार्यक्रमात या आठवड्यात ‘धर्मवीर २’ चित्रपटातील कलाकार मंडळी उपस्थित राहणार आहेत. नुकताच ‘झी मराठी’च्या सोशल मीडियाच्या पेजवर ‘ड्रामा ज्युनिअर्स’चा एक व्हिडीओ शेअर करण्यात आला आहे. या व्हिडीओत, ‘धर्मवीर’ चित्रपटातील गुरुपौर्णिमेचा सीन बालकलाकारांनी रिक्रिएट केलेला पाहायला मिळत आहे. दुर्वने दिवंगत बाळासाहेब ठाकरेंची भूमिका साकारली आहे. तर अर्जुन आनंद दिघेंच्या भूमिकेत दिसत आहे. बालकलाकारांनी केलेला हाच सीन पाहून ‘धर्मवीर’ चित्रपटाचे दिग्दर्शक प्रवीण तरडे भारावून गेले. प्रवीण तरडे बालकलाकारांचा परफॉर्मन्स पाहून म्हणाले, “इथे गुरुशिष्याची परंपरा आहे. तुम्ही अक्षरशः डोळ्यात पाणी आणलंत.”

हेही वाचा – ‘सख्खा भाऊ पक्का वैरी’नंतर मिलिंद गवळींना मिळालेले ४० चित्रपट, जुन्या आठवणी सांगत म्हणाले…

हेही वाचा – Bigg Boss Marathi : “हिल हिल पोरी हिला…”, दादा कोंडकेंच्या गाण्यावर निक्की तांबोळी व अरबाज पटेलचा जबरदस्त डान्स, पाहा व्हिडीओ

दरम्यान, ‘ड्रामा ज्युनिअर्स’ ( Drama Juniors ) कार्यक्रमातील अतरंगी लहान मुलांचं परीक्षण अभिनेत्री अमृता खानविलकर व अभिनेता संकर्षण कऱ्हाडे करत आहेत. तसंच सूत्रसंचालनाची जबाबदारी अभिनेत्री जबाबदारी ‘झी मराठी’च्या जुन्या व लोकप्रिय कलाकाराकडे देण्यात आली आहे. ‘चला हवा येऊ द्या’ कार्यक्रमातून घराघरात पोहोचलेली अभिनेत्री श्रेया बुगडे ‘ड्रामा ज्युनिअर्स’ कार्यक्रमाचं सूत्रसंचालन करत आहे.

हेही वाचा – ‘नवरा माझा नवसाचा २’मधील पहिलं गाणं कधी येणार? सचिन पिळगांवकरांनी गायकाबरोबरचा फोटो शेअर करत दिली माहिती

‘धर्मवीर २’ चित्रपट कधी प्रदर्शित होणार?

प्रवीण तरडे दिग्दर्शित ‘धर्मवीर २’ चित्रपट २७ सप्टेंबरला प्रदर्शित होणार आहे. याआधी चित्रपटाच्या प्रदर्शनाची तारीख ९ ऑगस्ट होती. पण काही दिवसांपूर्वी प्रदर्शनाची तारीख बदल्यात आली. या चित्रपटात अभिनेता प्रसाद ओकसह क्षितीज दाते, आनंद इंगळे, जयवंत वाडकर, अभिजीत खांडकेकर, हार्दिक जोशी, ऋतुराज फडके असे अनेक कलाकार पाहायला मिळत आहेत.