राणादाने पाठकबाईंना किस करतानाचा फोटो शेअर केला अन्…; मराठमोळ्या जोडप्याच्या फोटोची सोशल मीडियावर चर्चा

अक्षयाचा आज वाढदिवस आहे. लग्नानंतरचा तिचा हा पहिला वाढदिवस तिच्यासाठी अगदी खास असणार आहे. सोशल मीडियाद्वारे अक्षयला तिचे चाहते वाढदिवसाच्या भरभरुन शुभेच्छा देत आहेत. तसेच बऱ्याच कलाकार मंडळींनीही अक्षयासाठी तिच्या वाढदिवसानिमित्त खास पोस्ट शेअर केल्या आहेत. हार्दिकनेही त्याच्या पत्नीला एका वेगळ्या अंदाजामध्ये वाढदिवसाच्या शुभेच्छा दिल्या आहेत.

आणखी वाचा – Video : रितेश देशमुखला लागलं बायकोचं वेड, तोंडभरुन कौतुकही केलं, नवऱ्याचं प्रेम पाहून जिनिलिया म्हणते…

हार्दिकने अक्षयासाठी दोन पोस्ट शेअर केल्या आहेत. हार्दिकने अक्षयाबरोबरचा फोटो शेअर करत म्हटलं की, “माझ्या पत्नीला वाढदिवसाच्या खूप शुभेच्छा. तुझ्यामुळे माझ्या आयुष्यात गोडवा आला”. हार्दिकच्या या पोस्टवर अक्षयाने कमेंट केली आहे. ती म्हणाली, “बेस्ट फ्रेंड खूप आभार”. नवऱ्याबरोबरच हार्दिक अक्षयाचा उत्तम मित्र आहे.

आणखी वाचा – “तर मी माझ्या मुलीसाठी देशही सोडणार आणि…” लेक मालतीबाबत बोलताना प्रियांका चोप्राने केलेलं वक्तव्य चर्चेत

हार्दिकने शेअर केलेल्या दुसऱ्या फोटोमध्ये तो अक्षयाला किस करताना दिसत आहे. “बायको वाढदिवसाच्या शुभेच्छा”. असं हार्दिकने दुसरा फोटो शेअर करताना म्हटलं आहे. या दोघांच्या या फोटोची सोशल मीडियावर सर्वाधिक चर्चा रंगताना दिसत आहे. तर हार्दिकने किस करताच अक्षयाही अगदी आनंदी दिसत आहे.