‘तुझ्यात जीव रंगला’ या मालिकेमुळे हार्दिक जोशी व अक्षया देवधर ही जोडी नावारुपाला आली. राणादा व पाठकबाई या त्यांच्या पात्राने तर प्रेक्षकांना अक्षरशः वेड लावलं. या दोघांची ऑनस्क्रीन केमिस्ट्री तर चर्चेचा विषय ठरली. पण खऱ्या आयुष्यातही हार्दिक व अक्षया यांनी लग्न करण्याचा निर्णय घेतला. लवकरच हे दोघं विवाहबंधनात अडकणार आहेत. आता या दोघांच्या लग्न विधींना सुरुवात झाली आहे.
गेल्या काही दिवसांपासून हार्दिक व अक्षयाच्या लग्नाची जोरदार चर्चा सुरु आहे. दोघंही आपल्या सोशल मीडिया अकाऊंटद्वारे केळवणाचे फोटोही शेअर करताना दिसतात. आता अक्षयाने इन्स्टाग्राम स्टोरीद्वारे काही फोटो शेअर केले आहेत.
अक्षयाने शेअर केलेल्या फोटोंमध्ये तिच्या लग्नाविधींना सुरुवात झाली असल्याचं दिसत आहे. अक्षयाची ग्रहमख ही लग्नाच्या आधीची विधी सुरू आहे. या विधीदरम्यान तिने मुंडावळ्या बांधल्या असल्याचं दिसत आहेत. तसेच अक्षयाने भडक लाल रंगाची साडी परिधान केली आहे. अक्षयाने शेअर केलेल्या फोटोंमध्ये तिच्या कुटुंबातील काही मंडळी दिसत आहे.
आणखी वाचा – “विक्रम गोखले व माझे वडील भाऊ नव्हते आणि…” चुकीची माहिती पसरवणाऱ्यांवर सखी गोखले संतापली
लग्न विधींना सुरुवात झाल्यानंतर अक्षयाच्या चेहऱ्यावरील आनंद फोटोंमध्ये स्पष्ट दिसून येत आहे. हार्दिक व अक्षया १ किंवा २ डिसेंबरदरम्यान लग्न करणार असल्याचं बोललं जात आहे. पुण्यामध्ये यांचा विवाहसोहळा पार पडणार असल्याची चर्चा आहे. या दोघांच्या विवाहसोहळ्यासाठी त्यांचे चाहतेही उत्सुक आहेत.
