सध्या अनेक नामवंत मंडळी शिंदे फडणवीस गटात प्रवेश करत आहेत. काल अजित पवार यांनी काही समर्थक आमदारांच्या साथीने शिंदे फडणवीस गटाशी हातमिळवणी केली आणि उपमुख्यमंत्रीपदाची शपथ घेतली. तर आज काही मराठी कलाकारांनी मुख्यमंत्री एकनाथ शिंदे यांच्या उपस्थितीत शिंदे गटात प्रवेश केला आहे.
आज ठाण्यात आनंदाश्रम येथे एक कार्यक्रम संपन्न झाला. यावेळी मुख्यमंत्री एकनाथ शिंदे यांच्या उपस्थित होते. शिव चित्रपटसेनेच्या लोगोचं अनावरण करण्यात आलं. त्यावेळी हार्दिक जोशी, अदिती सारंगधर, माधव देवचके या कलाकारांनी शिंदे गटामध्ये प्रवेश केला. आता हार्दिक जोशीने ‘लोकसत्ता’शी बोलताना त्याच्या या निर्णयामागचं कारण सांगितलं आहे.
आणखी वाचा : हार्दिक जोशीसह प्रसिद्ध मराठी कलाकारांचा शिंदे गटात प्रवेश
हार्दिक जोशी म्हणाला, “शिव चित्रपटसेना ही संघटना आज सुरू करण्यात आली आणि कलाकारांसाठी काम करण्यासाठी ही संघटना तयार झाली आहे. सुशांत शेलार या संघटनेचे अध्यक्ष आहेत आणि त्यांच्या मार्फत आम्ही या संघटनेत सामील झालो. प्रत्येकाला वाटत असतं की आपण ज्या क्षेत्रात काम करत आहोत त्यातील लोकांना आपण मदत केली पाहिजे. पण त्याचा मार्ग सापडत नाही. तो मार्ग आज मला मिळाला आहे असं मला वाटतं.”
पुढे तो म्हणाला, “कोणत्याही प्रकारचं राजकारण नसणारी ही संघटना आहे. त्यामुळे आम्ही सर्व कलाकार एकत्र येऊन मनोरंजन सृष्टीतील जे संपूर्ण युनिट आहे त्यासाठी आम्ही काम करणार आहोत. आजच आम्ही याचा शुभारंभ केला. आता हळूहळू आम्ही यामार्फत योजनाही तयार करत जाऊ. कलाकारांच्या आणि मनोरंजन सृष्टीतील ज्या समस्या आहेत त्या शासनापर्यंत पोहोचवण्याचा हा योग्य मार्ग आहे असं मला वाटलं आणि म्हणूनच यात सहभागी झालो.”
आज ठाण्यात आनंदाश्रम येथे एक कार्यक्रम संपन्न झाला. यावेळी मुख्यमंत्री एकनाथ शिंदे यांच्या उपस्थित होते. शिव चित्रपटसेनेच्या लोगोचं अनावरण करण्यात आलं. त्यावेळी हार्दिक जोशी, अदिती सारंगधर, माधव देवचके या कलाकारांनी शिंदे गटामध्ये प्रवेश केला. आता हार्दिक जोशीने ‘लोकसत्ता’शी बोलताना त्याच्या या निर्णयामागचं कारण सांगितलं आहे.
आणखी वाचा : हार्दिक जोशीसह प्रसिद्ध मराठी कलाकारांचा शिंदे गटात प्रवेश
हार्दिक जोशी म्हणाला, “शिव चित्रपटसेना ही संघटना आज सुरू करण्यात आली आणि कलाकारांसाठी काम करण्यासाठी ही संघटना तयार झाली आहे. सुशांत शेलार या संघटनेचे अध्यक्ष आहेत आणि त्यांच्या मार्फत आम्ही या संघटनेत सामील झालो. प्रत्येकाला वाटत असतं की आपण ज्या क्षेत्रात काम करत आहोत त्यातील लोकांना आपण मदत केली पाहिजे. पण त्याचा मार्ग सापडत नाही. तो मार्ग आज मला मिळाला आहे असं मला वाटतं.”
पुढे तो म्हणाला, “कोणत्याही प्रकारचं राजकारण नसणारी ही संघटना आहे. त्यामुळे आम्ही सर्व कलाकार एकत्र येऊन मनोरंजन सृष्टीतील जे संपूर्ण युनिट आहे त्यासाठी आम्ही काम करणार आहोत. आजच आम्ही याचा शुभारंभ केला. आता हळूहळू आम्ही यामार्फत योजनाही तयार करत जाऊ. कलाकारांच्या आणि मनोरंजन सृष्टीतील ज्या समस्या आहेत त्या शासनापर्यंत पोहोचवण्याचा हा योग्य मार्ग आहे असं मला वाटलं आणि म्हणूनच यात सहभागी झालो.”
