मराठमोळी अभिनेत्री अक्षया देवधर आणि अभिनेता हार्दिक जोशी नेहमी चर्चेत असतात. ‘तुझ्यात जीव रंगला’ मालिकेतून दोघे घराघरात पोहचले. अक्षया आणि हार्दिक सोशल मीडियावर नेहमी सक्रिय असतात. फोटो आणि व्हिडीओ शेअर करत ते चाहत्यांना अपडेट देत असतात. हार्दिकने अक्षयाला भेट म्हणून एक महागडी वस्तू दिली आहे. अक्षयाने सोशल मीडियावर भेट दिलेल्या वस्तूचा फोटो शेअर केला आहे.
हेही वाचा- ‘अनुपमा’ फेम अभिनेत्रीने सांगितलं चित्रपटांपासून दूर राहण्याचं कारण, म्हणाली, “कास्टिंग काऊच…”
हार्दिकने अक्षयाला आयफोन १५ प्रो मॅक्स भेट म्हणून दिला आहे. अक्षयाने आपल्या इन्स्टाग्राम अकाउंटवर या फोनबरोबरचा फोटो शेअऱ केला आहे. गिफ्टमध्ये आयफोन दिल्याबद्दल अक्षयाने हार्दिकचे आभार मानले आहेत. या फोटोवर चाहते मोठ्या प्रमाणात कमेंट करत आहेत. आयफोन मिळाल्याबद्दल अनेकांनी अक्षयाचे अभिनंदन केलं आहे.
अक्षया देवधर आणि अभिनेता हार्दिक जोशीने गेल्या वर्षी २ डिसेंबरला लग्नगाठ बांधली. पुण्यात त्यांच्या शाही विवाहसोहळ्याचे आयोजन करण्यात आले होते. सोशल मीडियावर दोघांच्या लग्नाचे फोटो मोठ्या प्रमाणात व्हायरल झाले होते. ‘तुझ्यात जीव रंगला’ मालिकेच्या सेटवर दोघांची पहिल्यांदा भेट झाली होती. मालिकेत दोघांनी नवरा-बायकोची भूमिका साकारली होती. हळू हळू दोघे एकमेकांच्या प्रेमात पडले आणि खऱ्या आयुष्यातही दोघांनी एकमेकांबरोबर लग्नगाठ बांधली.
अक्षया आणि हार्दिकच्या कामाबद्दल बोलायचं झालं तर ‘तुझ्यात जीव रंगला’ मालिका संपल्यानंतर अक्षयाने आपलं स्वत:चं यूट्यूब चॅनेल सुरू केलं आहे. सोशल मीडियावर पोस्ट करत अक्षयाने याबाबतची घोषणा केली होती. या यूट्यूब चॅनेलवर अक्षया आपल्या दैनंदिन घडामोडींचे व्हिडीओ अपलोड करत असते, तर हार्दिक जोशी सध्या ‘तुझेच मी गीत गात आहे’ मालिकेत शुभंकर ही भूमिका साकारत आहे.
