‘तुला शिकवीन चांगलाच धडा’ या मालिकेला अल्पावधीतच प्रेक्षकांची चांगली पसंती मिळाली. या मालिकेच्या कथेत वरचेवर वळण येत असतात. तर आता ही मालिका आता एका उत्कंठावर्धक वळणावर येऊन पोहोचली आहे. कालच या मालिकेमध्ये अक्षरा आणि अधिपती यांचा साखरपुडा सप्ताह सुरु झाला. तर आता त्या निमित्ताने अधिपतीने अक्षरासाठी एक खास उखाणा घेतला आहे.
या मालिकेला पहिल्या दिवसापासूनच प्रेक्षकांचं भरभरून प्रेम मिळत आहे. अभिनेत्री शिवानी रांगोळे यामध्ये अक्षराची भूमिका साकारत आहे तर अभिनेता ऋषिकेश शेलार यात अधिपतीची भूमिका साकारत आहे. मालिकेतील त्यांच्या साखरपुड्यानिमित्त त्यांनी नुकतीच एक मुलाखत दिली.
आणखी वाचा : “मित्रही आहेत आता होणारे पती…”, साखरपुड्याच्या निमित्ताने अक्षराचा अधिपतीसाठी खास उखाणा
गेले अनेक दिवस अक्षरा आणि अधिपती यांच्या साखरपुड्याची सर्वत्र चर्चा आहे. तर या साखरपुड्याच्या सिक्वेन्सच्या निमित्ताने दिलेल्या एका मुलाखतीत अधिपतीने अक्षरासाठी खास उखाणा घेतला. ऋषिकेश म्हणाला, “पहिल्या भेटीत आवडली ती, नाव तिचं अक्षरा, अंबाबाईकडे एवढंच मागणं, असाच खळाळता राहू दे प्रेमाचा झरा.”
अधिपतीने अक्षरासाठी घेतलेला हा उखाणा आता त्यांच्या चाहत्यांना चांगलाच आवडला आहे. तर या मालिकेच्या आगामी भागांबद्दल सर्वजण उत्सुकता व्यक्त करत आहेत.
