मराठीतील लोकप्रिय अभिनेत्री ऋता दुर्गुळे नेहमीच चर्चेत असते. ‘फुलपाखरू’ मालिकेतून ऋता घराघरांत पोहचली. ‘मन उडू उडू झालं’ मालिकेतील तिची भूमिका चांगलीच गाजली. ‘महाराष्ट्राची क्रश’ म्हणून ऋताला ओळखले जाते. आपल्या अभिनयाच्या जोरावर ऋताने प्रेक्षकांच्या मनात वेगळे स्थान निर्माण केले आहे.
गोड व सोज्वळ अभिनेत्री म्हणून ऋताला ओळखले जाते. पण, चित्रपट म्हणले की कलाकारांना बोल्ड सीन्स द्यावे लागतात. काही कलाकार असे सीन्स देतातही आणि काही बोल्ड सीन्स देण्यास नकार देतात. हिंदी चित्रपटसृष्टीतील कलाकारांकडून अगदी सहजपणे असे सीन्स दिले जातात. मात्र, मराठी कलाकार जेव्हा बोल्ड सीन देतात तेव्हा त्यांच्यावर मोठ्या प्रमाणात टीका केली जाते. नुकतेच ऋताने लोकमत फिल्मीला मुलाखत दिली. या मुलाखतीत तिने चित्रपटातील कलाकारांच्या बोल्ड सीनवर आपले मत व्यक्त केले आहे
हेही वाचा- नववधू पूजा सावंत आणि सिद्धेश चव्हाण निघाले हनिमूनला, व्हिडीओ व्हायरल
ऋता म्हणाली, “लोकांचा विचार करून मी कधीच निर्णय घेत नाही. मला तशी गरज वाटली नाही. पण, जेव्हा असं काही असेल तेव्हा मी विचारते की ‘हे गरजेचं आहे का? गरज आहे का? हे गाळलं तर चालेल का? हे मी स्पष्ट विचारते.”
ऋता दुर्गुळेच्या कामाबद्दल बोलायचे झाल्यास आतापर्यंत तिने सुपरहिट मालिका व चित्रपटांमध्ये काम केले आहे. शुक्रवारी (ता. ८) ऋताचा ‘कन्नी’ चित्रपट प्रेक्षकांच्या भेटीला येणार आहे. या चित्रपटात तिच्याबरोबर शुभंकर तावडे, अजिंक्य राऊत, वल्लरी विराज व ऋषी मनोहर यांच्या प्रमुख भूमिका आहेत.
