छोट्या पडद्यावरील अतिशय लोकप्रिय रिअॅलिटी शो म्हणजे ‘इंडियन आयडल.’ आजवर या स्पर्धेत सहभागी झालेल्या अनेक गायकांचे शोने संपूर्ण आयुष्य बदलले. इंडियन आयडल ही स्पर्धा जिंकणारे गायक चांगलेच लोकप्रिय झाले. इंडियन आयडलचे पहिले पर्व जिंकणारा अभिजीत सावंत आजही तितकाच प्रसिद्ध आहे. मात्र तो सध्या लाईमलाईटपासून दूर आहे. यावरुनच एका नेटकऱ्याने त्याला प्रश्न विचारला आहे.
अभिजीत सावंत हा इंडियन आयडल या अतिशय लोकप्रिय ठरलेल्या रिअॅलिटी शोमुळे घराघरात पोहोचला. इंडियन आयडलचे पहिले पर्व अभिजीत सावंतने जिंकले होते. तो सोशल मीडियावर सक्रीय असतो. काही दिवसांपूर्वी अभिजीतने एक हिंदी गाणं गातानाचा व्हिडीओ शेअर केला होता. त्यावर एका नेटकऱ्याने त्याला ट्रोल करण्याचा प्रयत्न केला. त्यावर अभिजीतने त्याला सुनावले.
आणखी वाचा : “आर्थिक मंदीदरम्यान…” ‘इंडियन आयडल’ जिंकल्यानंतर मिळालेल्या पैशांबद्दल अभिजीत सावंतने केला खुलासा
अभिजीतने नुकतंच इन्स्टाग्रामवर एक व्हिडीओ पोस्ट केला आहे. या व्हिडीओखाली एका नेटकऱ्याने कमेंट केली आहे. “भावा, इंडियन आयडॉलनंतर तू मेहनत केली नाही, असं मला वैयक्तिकरित्या वाटतं. याचा राग मानू नकोस”, अशी कमेंट त्या नेटकऱ्याने केली आहे.
त्यावर अभिजीतनेही उत्तर दिलं आहे. “कदाचित, पण मी माझे सर्वोत्तम देण्याचा प्रयत्न केला होता”, असे उत्तर अभिजीत सावंतने दिले.
आणखी वाचा : “पण माझ्या डोक्यात हवा…” ‘इंडियन आयडल’ विजेता अभिजीत सावंत स्पष्टच बोलला
त्यावर त्या नेटकऱ्याने “मी गाणं गायला लागलो, त्याचे मुख्य कारण तू होता आणि आता जेव्हा नवीन लोकांना काम मिळताना पाहतो आणि तुमच्यासारख्यांना काम मिळत नाही हे पाहतो, तेव्हा खरंच मला वाईट वाटते. पण तरीही तुला शुभेच्छा”, असे त्याने म्हटले आहे.
आणखी वाचा : “नक्की काय दाखवायचं आहे…” नव्या फोटोशूटमुळे प्राजक्ता माळी ट्रोल, नेटकरी म्हणाले “मराठी इंडस्ट्रीमध्ये…”
दरम्यान अभिजीत सावंतने गायलेले ‘मोहब्बतें लुटाऊंगा’ हे गाणं आजही फार चर्चेत असते. या गाण्याने प्रेक्षकांना अक्षरश: वेड लावले होते. या गाण्यामुळे अभिजीत सावंत प्रसिद्धीझोतात आला.
