‘मोहब्बतें लुटाऊंगा’ हे गाणं ऐकताच क्षणी आपल्या डोळ्यासमोर लोकप्रिय गायक अभिजीत सावंतचे नाव येते. या गाण्याने प्रेक्षकांना अक्षरश: वेड लावले होते. या गाण्यामुळे प्रसिद्धीझोतात आलेला अभिजीत सावंत आजही अनेकांच्या लक्षात आहे. ‘इंडियन आयडल’ चा पहिला विजेता म्हणून त्याला ओळखले जाते. नुकतंच त्याने एका फजितीचा किस्सा सांगितला आहे. अभिजीत सावंत हा सोशल मीडियावर सक्रीय असतो. नुकतंच त्याने एका युट्यूब चॅनलला मुलाखत दिली. या मुलाखतीत त्याला "तुझी कधी फजिती झाली आहे का?" असा प्रश्न विचारण्यात आला.आणखी वाचा : “मतांची फेरफार, पैशांची देवाण अन्…” ‘इंडियन आयडल’ विजेता अभिजीत सावंतचा ‘त्या’ अफवेबद्दल खुलासा, म्हणाला “माझी परिस्थिती…” "माझ्या आयुष्यात कार्यक्रमावेळी अनेक घटना घडल्या आहेत. माझी अनेकदा फजितीही झाली आहे. मी एकदा स्टेजवर पडलो होतो. जेव्हा स्टेजवर मी एंट्री घेत होतो, तेव्हा चमकी आणि धूर करण्यात आला होता. त्यांनी या कार्यक्रमावेळी स्टेजवर धूर करण्यात आल्याने तिथे असलेली फरशी ओली झाली होती. त्यावेळी मी एंट्री घेतली आणि मी घसरलो. मी तेव्हा सुपरमॅन झाल्यासारखंच मला वाटलं. त्यावेळी माझी फजिती झाली होती. पण कलाकारांच्या आयुष्यात फजिती होणं हे अनेकदा होत असतं. त्यामुळे कलाकाराने झालेली फजिती सहन करण्याची आणि ते विसरण्याची सवय लावायला हवी", असे अभिजीत सावंतने म्हटले. आणखी वाचा : “पुरूषांची जात…”, मणिपूरमध्ये दोन महिलांची नग्न धिंड काढल्याप्रकरणी सोनाली कुलकर्णीची संतप्त पोस्ट, म्हणाली… दरम्यान अभिजीतने इंडियन आयडलचे पहिले पर्व जिंकल्यानंतर त्याला अनेक गाण्यांच्या ऑफर आल्या होत्या. पण त्यानंतर त्याला काम मिळत नसल्याचे त्याने म्हटले होते. सध्या तो लाइमलाइटपासून दूर असल्याचे पाहायला मिळते.
