‘बिग बॉस ओटीटी’च्या दुसऱ्या पर्वातून घराघरात पोहोचलेल्या मनीषा रानीने हिंदी इंडस्ट्रीत स्वतःची एक वेगळी ओळख निर्माण केली आहे. आपल्या अनोख्या अंदाजाने मनीषा रानीने प्रेक्षकांची मनं जिंकली आहेत. ‘बिग बॉस ओटीटी’नंतर मनीषाने आपल्या जबरदस्त डान्सने ‘झलक दिखला जा’च्या ११व्या पर्वाच्या ट्रॉफीवर आपलं नाव कोरलं. त्यानंतर आता ती वेगवेगळ्या प्रोजेक्टमध्ये पाहायला मिळत आहे. अशातच तिने तिच्या वडिलांचं आणखी एक स्वप्न पूर्ण केलं आहे.
अलीकडेच मनीषा रानीने आपल्या वडिलांचं पहिलं स्वप्न पूर्ण केलं होतं. आपल्या गावात जमीन घेऊन तिथे वडिलांसाठी हक्काचं घर बांधलं होतं. त्यानंतर आता मनीषाने वडिलांचं दुसरं स्वप्न पूर्ण केलं आहे. वडिलांसाठी तिने आलिशान गाडी खरेदी केली आहे. याचा व्हिडीओ सोशल मीडियावर व्हायरल झाला आहे.
हेही वाचा – Video: गोव्याच्या ट्रीपवर गौतमी देशपांडे रमली मातीची भांडी तयार करण्यात, पाहा व्हिडीओ
मनीष रानीने स्वतः देखील वडिलांसाठी घेतलेल्या गाडीचा व्हिडीओ सोशल मीडियावर शेअर केला आहे. हा व्हिडीओ शेअर करत तिने लिहिलं आहे, “माझ्या वडिलांची नवीन गाडी. त्यांच्या मुलीकडून त्यांना एक नवीन भेट. त्यांचं आणखी एक स्वप्न पूर्ण झालं आहे. कारण त्यांची जी स्वप्न आहेत ती माझी देखील आहेत. त्यामुळे मी त्यांची सर्व स्वप्न पूर्ण करेन.”
मनीषाने वडिलांसाठी काळ्या रंगाची महिंद्रा XUV 3XO गाडी खरेदी केली आहे. या गाडीची किंमत ७ ते १५ लाख दरम्यान आहे. मनीषा रानीने वडिलांना दिलेली ही आलिशान गाडी पाहून चाहते तिचं कौतुक करत असून अभिनंदनाचा वर्षाव होतं आहे.
हेही वाचा – Video: अमृता खानविलकर चिडली संकर्षण कऱ्हाडेवर! नेमकं काय घडलं? पाहा
हेही वाचा – Video: जब्या-शालूचा ‘हा’ व्हिडीओ तुफान व्हायरल, नेटकरी म्हणाले, “तुम्ही लग्न करा…”
दरम्यान, यापूर्वी मनीषा रानीने आलिशान मर्सेडीज खरेदी केली होती. या मर्सेडीजीची किंमत ४० लाखांहून अधिक होती. आता मनीषाच्या घरी आणखी एका गाडीचं आगमन झालं आहे. त्यामुळे तिचं कुटुंब आनंदात आहे.
