बॉलिवूडमधील काही अभिनेत्री कोणत्या ना कोणत्या कारणांमुळे चर्चेत असतात. कधी हटके फॅशन तर कधी एखाद्या अभिनेत्याबरोबर डेटिंग या कारणांमुळे सोशल मीडियावर चर्चेत असतात. अभिनेत्री कंगना रणौत कायमच चर्चेत असते. बॉलिवूड आणि राजकारणातील घडामोंडीवर कंगना तिचं मत स्पष्टपणे मांडताना दिसते. तिच्या वक्तव्यांमुळे कित्येकदा ती वादाच्या भोवऱ्यातही अडकलेली आहे. आजवर तिच्या रोखठोक भूमिका बघितल्या आहेत मात्र तिचा विनोदी स्वभावदेखील फार कमीवेळा दिसून येतो.
काही दिवसांपूर्वी ती तिच्या ‘धाकड’ चित्रपटाच्या प्रमोशनच्या निमित्ताने कपिल शर्माच्या कार्यक्रमात उपस्थित राहिली होती. कपिलने नेहमीच्या अंदाजात कंगनाची थट्टा करत होता. कंगनाचा एका फोटोवरच्या कॅप्शनवरून त्याने कंगनाला विचारले ‘हा कॅप्शन कोणासाठी’? तर कंगनाने उत्तर दिले ‘हा मी कृष्ण भगवानसाठी ठेवला होता त्याचे दर्शन घेण्यासाठी जात होते तेव्हा हा फोटो काढला आहे’. हे सांगत असताना कपिल तिच्याकडेच बघत होता त्यावर कंगना म्हणाली ‘एखादा नवरा जसा बघतो तसा तू माझ्याकडे बघत आहेस’, कपिलने लगेच उत्तर दिले ‘मी त्या नजरेने बघत नाही मात्र तुझी इच्छा असेल तर मी तुझा नवरा होण्यास तयार आहे’. त्यावर कंगना म्हणाली ‘दोन मुलांचे वडील असलेले सगळेजण याच मूडमध्ये असतात’. तिच्या या वाक्यावर सर्व प्रेक्षक हसायला लागले.
“लोकांना हॉलिवूडला जायचं आहे मला… ” ‘गॉडफादर’ चित्रपटाच्या प्रमोशनदरम्यान सलमानने केला खुलासा
‘धाकड’ या चित्रपटात ती शेवटची दिसली होती. या चित्रपटाला फारसे यश मिळाले नाही. कंगनाने याआधी ‘थलायवी’, ‘सिमरन’ आणि ‘तनु वेड्स मनु रिटर्न्ससारखे’ हिट चित्रपट दिले आहेत. कंगनाने नुकतीच हिमाचलच्या मुख्यमंत्र्यांची भेट घेतली आहे. तसेच काही दिवसांपूर्वी तिने मथुरेतील बाके बिहारी मंदिरात जाऊन देवाचे दर्शन घेतले होते.
कंगना सध्या तिच्या ‘इमर्जन्सी चित्रपटावर काम करत आहे. या चित्रपटात ती पंतप्रधान इंदिरा गांधी यांच्या भूमिकेत दिसणार आहे. तिने स्वत: या चित्रपटाचे दिग्दर्शन केले आहे. ‘इमर्जन्सी’ चित्रपटात अभिनेता श्रेयस तळपदे, मिलिंद सोमण, अनुपम खेर यांसह अभिनेत्री महिमा चौधरी महत्त्वाच्या भूमिका साकारताना दिसणार आहे.
