‘बिग बॉस १६’मध्ये करण जोहर दिसणार सूत्रसंचालकाच्या भूमिकेत; ‘या’ कारणामुळे झाले सलमानचे शूटिंग रद्द

सध्या टेलिव्हिजन विश्वामध्ये ‘बिग बॉस हिंदी’च्या नव्या पर्वाची चर्चा आहे. काही आठवड्यांपूर्वी सुरु झालेल्या कार्यक्रमाचा आनंद प्रेक्षक घेत आहेत. मागच्या अनेक वर्षांपासून सलमान खानने या प्रसिद्ध शोमध्ये सूत्रसंचालक म्हणून काम केले आहे. आता बिग बॉस आणि सलमान खान हे समीकरण तयार झाले आहे. या कार्यक्रमासंबंधित महत्त्वपूर्ण माहिती समोर आली आहे. ‘बिग बॉस १६’च्या पुढच्या काही भागांमध्ये सलमानच्या जागी नवा सूत्रसंचालक दिसणार आहे. काही आठवड्यांसाठी त्याने ब्रेक घेतला आहे.

आणखी वाचा – जुळ्या मुलांना एकाचवेळी स्तनपान करतानाचा फोटो गायिकेने केला शेअर; कॅप्शनमध्ये म्हणाली, “ही जगातील सर्वात…”

बॉलिवूड हंगामाने दिलेल्या वृत्तानुसार, सलमान खानला डेंग्यू झाला आहे आणि त्याला डॉक्टरांनी घरी राहून आराम करायचा सल्ला दिला आहे. परिणामी ‘बिग बॉस १६’च्या काही भागांसाठी करण जोहरला बोलवण्यात आले आहे. यासाठी सलमानने त्याला स्वत:हून शोमधील पुढच्या भागांचे होस्टिंग करण्यासाठी राजी केले. करोना काळामध्ये ‘बिग बॉस ओटीटी’ हा नवा कार्यक्रम सुरु झाला होता. या कार्यक्रमामध्ये करणने सूत्रसंचालन केले होते.

आणखी वाचा – दाक्षिणात्य सुपरस्टार ज्युनिअर एनटीआर आणि राम चरण उतरले जपानच्या रस्त्यांवर; असा प्रमोट केला ‘RRR’

१९९८ मध्ये प्रदर्शित झालेल्या ‘कुछ कुछ होता है’ या चित्रपटामध्ये अमन हे पात्र साकारण्यासाठी अनेक कलाकारांनी नकार दिला होता. हा चित्रपट करणसाठी खूप खास होता. या एका पात्राच्या कास्टिंग होत नसल्यामुळे तो चिंतेत होता. पुढे सलमानने ही भूमिका करण्यास होकार दिला. तेव्हापासून करण आणि सलमानमध्ये चांगले संबंध आहेत.