अमिताभ बच्चन यांच्यासमोर हात जोडले, पाया पडला अन्…; ७ कोटींच्या प्रश्नाआधी भावुक झाला स्पर्धक, पाहा व्हिडीओ

हेही वाचा : “गेल्यावर्षी १०० कोटींचा प्रोजेक्ट सोडला, कारण…”, अभिनेता गोविंदाने केला खुलासा; म्हणाला, “स्वत:च्या कानाखाली मारून…”

सोनी वाहिनीच्या अधिकृत इन्स्टाग्राम पेजवर ‘कौन बनेगा करोडपती’चा नवा प्रोमो नुकताच शेअर करण्यात आला आहे. यामध्ये अमिताभ बच्चन संबंधित स्पर्धकाला ७ कोटी रुपयांचा १६ वा प्रश्न विचारत असल्याचं दाखवण्यात आलं आहे. हा प्रश्न विचारण्यापूर्वी स्पर्धक भावुक झाल्याचं प्रोमोमध्ये पाहायला मिळत आहे. हा स्पर्धक अमिताभ बच्चन यांच्यासमोर हात जोडून, पाया पडून त्यानंतर त्यांना मिठी मारून रडत असल्याचं पाहायला मिळालं.

हेही वाचा : “गणपतीसमोर चपला घालू नकोस…”, ट्रोलरच्या कमेंटला उत्तर देत फराह खान म्हणाली…

“भावना अशाच निर्माण होत नाही, प्रत्येक भावनेमागे एक विशिष्ट कारण असतं…मी तुम्हाला जरुर सांगेन” असं बिग बी या प्रोमोमध्ये बोलताना दिसत आहेत. काही दिवसांपूर्वी जसकरण सिंग या २१ वर्षाच्या मुलाने ७ कोटींच्या प्रश्नापर्यंतचा टप्पा गाठला होता. परंतु, उत्तराची खात्री नसल्याने त्याने खेळ सोडला. जसकरणने तब्बल १ कोटी जिंकत आपलं स्वप्न पूर्ण केलं. तो पंधराव्या पर्वाचा पहिला करोडपती ठरला होता. आता लवकरच या पर्वाला दुसरा करोडपती मिळणार आहे.

हेही वाचा : नवऱ्याच्या आजारपणात अभिज्ञा भावेला ‘अशी’ आली स्वामींची प्रचिती; अनुभव सांगत म्हणाली, “तेव्हा माझ्या डोळ्यात…”

दरम्यान, अमिताभ बच्चन गेल्या अनेक वर्षांपासून कौन बनेगा करोडपती हा कार्यक्रम होस्ट करत आहेत. करोडपतीचा हा नवा प्रोमो पाहून नेटकऱ्यांनी या संबंधित स्पर्धकाने ७ कोटी जिंकले असावेत असा अंदाज बांधायला सुरुवात केली आहे. आता खरंच या स्पर्धकाने ७ कोटी जिंकलेत की नाही? हे आपल्याला येत्या काही भागांमध्ये पाहायला मिळणार आहे.