अभिनेते आणि शिवसेनेचे (ठाकरे गट) पदाधिकारी किरण माने नेहमीच चर्चेत असतात. त्यांच्या सोशल मीडियावरील पोस्ट या कायम व्हायरल होतं असतात. सध्या ते ‘सन मराठी’ वाहिनीवरील ‘तिकळी’ मालिकेत पाहायला मिळत होते. पण त्यांनी या मालिकेला आता रामराम केल्याचं समोर आलं आहे. किरण मानेंनी स्वतः यासंदर्भात पोस्ट लिहून चाहत्यांना माहिती दिली आहे.
१ जुलैपासून ‘तिकळी’ मालिका ‘सन मराठी’ वाहिनीवर सुरू झाली होती. या मालिकेत किरण मानेंनी बाबाराव खोत ही खलनायकाची भूमिका साकारली होती. पण आजपासून ‘तिळकी’ मालिकेत किरण माने दिसणार नाहीत. लवकरच ते ‘कलर्स मराठी’ वाहिनीवरील नव्या मालिकेतून नव्या भूमिकेत पाहायला मिळणार आहेत.
किरण माने पोस्ट करत म्हणाले, “…खतरनाक, खूंखार, कारस्थानी ‘बाबाराव खोत’ला रामराम…आजपासून मी ‘सन मराठी’ वाहिनीवरच्या ‘तिकळी’ मालिकेत नसेन. पण ही भूमिका मला खूप समाधान देऊन गेली. ‘कलर्स मराठी’वरच्या ‘सिंधुताई’मधला प्रेमळ, मायाळू, कणखरपणे मुलीच्या पाठीशी उभा राहिलेला अभिमान साठेसारखा भक्कम बाप साकारल्यानंतर एकदम विरुद्ध धाटणीचा खलनायक बाबाराव साकारायला मिळाल्यामुळे माझ्यातला अभिनेता सुखावून गेला.”
हेही वाचा – Wildcard संग्राम चौगुले अवघ्या १४ दिवसांत घराबाहेर! ‘हे’ आहे कारण; नेटकरी म्हणाले, “अरबाजला वाचवायला…”
पुढे किरण माने यांनी लिहिलं की, आता पुन्हा एकदम भिन्न स्वभावाच्या नव्या भूमिकेत येतोय लवकरच…आपल्या आवडत्या ‘कलर्स मराठी’वर…’बिग बॉस’पासून ‘कलर्स मराठी’ हे मला घरासारखे आहे…घरी परतल्याचा आनंद वेगळाच असतो.”
दरम्यान, ‘कलर्स मराठी’ने शनिवारी २१ सप्टेंबरला नव्या मालिकेची घोषणा केली. ‘लय आवडतेस तू मला’ असं ‘कलर्स’च्या नव्या मालिकेचं नावं आहे. या मालिकेत ‘लवंगी मिरची’ फेम अभिनेता तन्मय जक्का आणि सानिका मोजर प्रमुख भूमिकेत झळकणार आहेत. महाराष्ट्राच्या मातीतील अस्सल झन्नाट, रांगडी प्रेमकथा ‘कलर्स’च्या नव्या मालिकेत पाहायला मिळणार आहे. याच मालिकेत किरण माने झळकणार की दुसऱ्या? हे येत्या काळात समोर येईल.
© IE Online Media Services (P) Ltd