सध्या जुन्या मालिका बंद होऊन नव्या मालिका सुरू होण्याचं सत्र सुरू आहे. काही मालिका कमी टीआरपीच्या कारणास्तव बंद केल्या जात आहेत. तर काही मालिका कथा पूर्ण होत असल्यामुळे प्रेक्षकांचा निरोप घेत आहेत. दोन दिवसांपूर्वी एक लोकप्रिय मालिका ऑफ एअर झाली. या मालिकेचे प्रेक्षक सध्या नाराजी व्यक्त करताना दिसत आहेत. “अजून खूप दिवस ही मालिका आम्हाला बघायची होती”, “मालिकेचा सीझन २ घेऊन या. इतक्या लवकर नका बंद करून”, अशा प्रतिक्रिया प्रेक्षकांच्या सोशल मीडियावर उमटल्या आहेत.
दोन दिवसांपूर्वी बंद झालेली ही लोकप्रिय मालिका म्हणजे ‘सन मराठी’ वाहिनीवरील ‘क्षेत्रपाल श्री देव वेतोबा’. ही मालिका १७ जुलै २०२३ रोजी प्रेक्षकांच्या भेटीस आली होती. सिंधुदुर्गातील आरवली गावाचे ग्रामदैवत ‘श्री देव वेतोबाची कथा’ या मालिकेतून दाखवण्यात आली होती. खरंतर वेतोबा म्हणजे भूतनाथ. पण कोकणात संकटसमयी भक्तांच्या हाकेला देवासारख्या धावून जाणाऱ्या वेतोबाची गोष्ट दाखवण्यात आली होती. प्रेक्षकांना ही गोष्ट अल्पावधीतच पसंतीस उतरली होती. पण १४ जानेवारीला मालिकेचा शेवटचा भाग प्रसारित झाला. १ तासांच्या विशेष भागाने मालिकेचा शेवट झाला.
‘क्षेत्रपाल श्री देव वेतोबा’ मालिकेतील कलाकारांनी सोशल मीडियावर भावुक पोस्ट केल्या आहेत. वेतोबाची भूमिका साकारणारा अभिनेता उमाकांत पाटील याने सोशल मीडियावर प्रेक्षकांचे आभार मानत एक पोस्ट लिहिली आहे. “रसिक प्रेक्षकहो… तुमची लाडकी मालिका ‘क्षेत्रपाल श्री देव वेतोबा’ तुमचा निरोप घेतेय. ज्याची कुठेतरी सुरुवात आहे, त्याचा शेवट असतोच आणि तो योग्य वेळी घेतलेला कधीही चांगला. पण आपल्यात जो अनादी धागा आहे-वेतोबा, तो कायम आपल्यासोबत असणार आहे,” असं उमाकांतने मालिकेचा शेवटचा प्रोमो शेअर करत लिहिल आहे.
उमाकांतच्या या पोस्टवर प्रेक्षकांनी भरभरून प्रतिक्रिया दिल्या आहेत. एका नेटकरीने लिहिल आहे, “ही मालिका अशीच सुरू पाहिजे. मी ही मालिका कधीच चुकवतं नाही.” तर दुसऱ्या नेटकऱ्याने लिहिल, “एवढ्या लवकर संपेल अशी अपेक्षा नव्हती…असो खूपच सुंदर मालिका होती.” तसेच तिसऱ्या नेटकऱ्याने लिहिल, “का शेवट?” अशा अनेक प्रतिक्रिया उमाकांतच्या पोस्टवर मालिकेच्या प्रेक्षकांनी दिल्या आहेत.
हेही वाचा – Bigg Boss 17: ‘बिग बॉस १७’मधून ‘हा’ सदस्य झाला बेघर, नाव ऐकताच प्रेक्षकांना झाला आनंद
दरम्यान, ‘क्षेत्रपाल श्री देव वेतोबा’ या मालिकेच्या वेळेत कालपासून एक नवी मालिका सुरू झाली आहे. ‘मुलगी पसंत आहे’ असं या नव्या मालिकेचं नाव आहे. अभिनेत्री हर्षदा खानविलकर, संग्राम समेळ, कल्याणी तिभे या मालिकेत प्रमुख भूमिकेत पाहायला मिळत आहे.
दोन दिवसांपूर्वी बंद झालेली ही लोकप्रिय मालिका म्हणजे ‘सन मराठी’ वाहिनीवरील ‘क्षेत्रपाल श्री देव वेतोबा’. ही मालिका १७ जुलै २०२३ रोजी प्रेक्षकांच्या भेटीस आली होती. सिंधुदुर्गातील आरवली गावाचे ग्रामदैवत ‘श्री देव वेतोबाची कथा’ या मालिकेतून दाखवण्यात आली होती. खरंतर वेतोबा म्हणजे भूतनाथ. पण कोकणात संकटसमयी भक्तांच्या हाकेला देवासारख्या धावून जाणाऱ्या वेतोबाची गोष्ट दाखवण्यात आली होती. प्रेक्षकांना ही गोष्ट अल्पावधीतच पसंतीस उतरली होती. पण १४ जानेवारीला मालिकेचा शेवटचा भाग प्रसारित झाला. १ तासांच्या विशेष भागाने मालिकेचा शेवट झाला.
‘क्षेत्रपाल श्री देव वेतोबा’ मालिकेतील कलाकारांनी सोशल मीडियावर भावुक पोस्ट केल्या आहेत. वेतोबाची भूमिका साकारणारा अभिनेता उमाकांत पाटील याने सोशल मीडियावर प्रेक्षकांचे आभार मानत एक पोस्ट लिहिली आहे. “रसिक प्रेक्षकहो… तुमची लाडकी मालिका ‘क्षेत्रपाल श्री देव वेतोबा’ तुमचा निरोप घेतेय. ज्याची कुठेतरी सुरुवात आहे, त्याचा शेवट असतोच आणि तो योग्य वेळी घेतलेला कधीही चांगला. पण आपल्यात जो अनादी धागा आहे-वेतोबा, तो कायम आपल्यासोबत असणार आहे,” असं उमाकांतने मालिकेचा शेवटचा प्रोमो शेअर करत लिहिल आहे.
उमाकांतच्या या पोस्टवर प्रेक्षकांनी भरभरून प्रतिक्रिया दिल्या आहेत. एका नेटकरीने लिहिल आहे, “ही मालिका अशीच सुरू पाहिजे. मी ही मालिका कधीच चुकवतं नाही.” तर दुसऱ्या नेटकऱ्याने लिहिल, “एवढ्या लवकर संपेल अशी अपेक्षा नव्हती…असो खूपच सुंदर मालिका होती.” तसेच तिसऱ्या नेटकऱ्याने लिहिल, “का शेवट?” अशा अनेक प्रतिक्रिया उमाकांतच्या पोस्टवर मालिकेच्या प्रेक्षकांनी दिल्या आहेत.
हेही वाचा – Bigg Boss 17: ‘बिग बॉस १७’मधून ‘हा’ सदस्य झाला बेघर, नाव ऐकताच प्रेक्षकांना झाला आनंद
दरम्यान, ‘क्षेत्रपाल श्री देव वेतोबा’ या मालिकेच्या वेळेत कालपासून एक नवी मालिका सुरू झाली आहे. ‘मुलगी पसंत आहे’ असं या नव्या मालिकेचं नाव आहे. अभिनेत्री हर्षदा खानविलकर, संग्राम समेळ, कल्याणी तिभे या मालिकेत प्रमुख भूमिकेत पाहायला मिळत आहे.
