‘लक्ष्मी निवास’ मालिकेत नव्या अभिनेत्रीची एन्ट्री! दिल्लीच्या NSD मध्ये घेतलंय प्रशिक्षण, यापूर्वी सई ताम्हणकरसह केलंय काम

‘लक्ष्मी निवास’ मालिकेचं कथानक मध्यमवर्गीय जोडप्यावर आधारलेलं आहे. आपलं हक्काचं घर असावं, आपल्या मुलींची थाटामाटात व चांगल्या घरात लग्न व्हावीत अशी लक्ष्मी आणि श्रीनिवास या दाम्पत्याची इच्छा असते. या दोघांचा मालिकेत वेंकी नावाचा मानसपुत्र देखील असतो. त्याचा लक्ष्मी आणि श्रीनिवास यांनी मिळून सांभाळ केलेला असतो. वेंकीला बोलता येत नसतं. पण, इतकी वर्षे एकत्र राहून त्याच्या मनातील भावना दळवी कुटुंबीयांना ओळखता येत असतात. याच वेंकीच्या आयुष्यात एका ‘फुलराणी’ची एन्ट्री होणार आहे.

आणखी वाचा

सरकारी कार्यालयात ‘मराठीतच बोला!’ कर्मचारी मराठीत न बोलल्यास शिस्तभंगाची कारवाई

Maharashtra Politics : नाराज एकनाथ शिंदे भाजपासाठी अडचणीचे?

वेळ पाळा, तरच पूर्ण वेतन! का घेण्यात आला हा निर्णय ?

एमपीएससीच्या विद्यार्थांना प्रश्नपत्रिका देण्याचे आमिष, गुन्हे शाखेकडून दोघे अटकेत; नागपूरमधून एक जण ताब्यात

प्रशिक्षणार्थी पोलीस उपनिरीक्षकाची ‘हप्तेखोरी’ उपनिरीक्षकाला निलंबित करण्याचे आदेश

वर्धा : निलंबित शिक्षक पुन्हा निलंबित…

करिअर, विराजसची जबाबदारी…; मृणाल कुलकर्णींना सासूबाईंनी दिली भक्कम साथ, त्यांच्या ९० व्या वाढदिवशी अभिनेत्रीची खास पोस्ट

सेवानिवृत्त पोलीस अधिकाऱ्याकडे बेहिशेबी मालमत्ता, अपसंपदेचा गुन्हा दाखल; यवतमाळ जिल्ह्यात बजावली सेवा

वेकींच्या आयुष्यात एन्ट्री घेणाऱ्या फुलराणीची भूमिका अभिनेत्री पायल पांडे साकारणार आहे. या फुलराणीला पाहताच क्षणी वेंकीच्या चेहऱ्यावरचे भाव बदलतात. तो तिच्याकडे टक लावून पाहतच राहतो. पण, त्यानंतर ही फुलराणी वेंकीवर काहिशी भडकते. अगदी साध्याभोळ्या लूकमध्ये पायल मालिकेत एन्ट्री घेणार आहे.

पायल पांडेबद्दल सांगायचं झालं तर, नुकतीच ती ‘गारुड’ सिनेमात झळकली होती. यापूर्वी तिने ‘B.E. Rojgaar’ या सीरिजमध्ये काम केलेलं आहे. यामध्ये अभिनेत्रीने प्रसिद्ध अभिनेत्री सई ताम्हणकरबरोबर स्क्रीन शेअर केली आहे. याशिवाय पायलने अनेक नाटकांमध्ये देखील काम केलेलं आहे. तिने दिल्ली येथील राष्ट्रीय नाट्य विद्यालयातून ( नॅशन स्कूल ऑफ ड्रामा NSD ) नाट्यशास्त्रात पदवी शिक्षण पूर्ण केलेलं आहे. मूळची सांगलीची असलेली पायल आता छोट्या पडद्यावर आपल्या अभिनयाचा ठसा उमटवण्यास सज्ज झाली आहे.

दरम्यान, पायलच्या येण्याने वेंकीच्या आयुष्यात काय बदल होणार हे पाहणं महत्त्वाचं ठरेल. ‘लक्ष्मी निवास’ ही मालिका संध्याकाळी ८ ते ९ या एक तासाच्या वेळेत प्रसारित केली जाते.