मालिका आणि प्रेक्षकांचं एक अतुट नातं आहे. दैनंदिन धकाधकीच्या जीवनात मनोरंजनासाठी प्रेक्षक त्यांच्या आवडीच्या मालिका आवर्जुन न चुकता पाहत असतात. त्यामुळे मालिका या लोकप्रिय ठरतात. गेल्या काही दिवसांपासून मराठी मालिकाविश्वात अनेक मालिका प्रेक्षकांचा निरोप घेत असून नव्या मालिका प्रेक्षकांच्या भेटीस येत आहेत. आता ‘स्टार प्रवाह’ या लोकप्रिय वाहिनीवर पुन्हा एक नवीन मालिका सुरू होणार आहे. नुकताच या नव्या मालिकेचा पहिला वहिला प्रोमो समोर आला आहे.
हेही वाचा – ‘ठरलं तर मग’ फेम जुई गडकरीला कोणते जंक फूड्स आवडतात? जाणून घ्या…
४ सप्टेंबरला ‘स्टार प्रवाह’वर अभिनेत्री तेजश्री प्रधान आणि राज हंचनाळे यांची प्रमुख भूमिका असलेली ‘प्रेमाची गोष्ट’ ही मालिका प्रेक्षकांच्या भेटीस आली. त्यानंतर आता ‘लक्ष्मीच्या पाऊलांनी’ ही नवी मालिका प्रेक्षकांच्या भेटीस येणार आहे. या नव्या मालिकेचा प्रोमो नुकताच ‘स्टार प्रवाह’च्या अधिकृत इन्स्टाग्राम पेजवर शेअर करण्यात आला.
हेही वाचा – “आईचे दागिने, मैत्रिणीचे कपडे अन्…”, घराचा EMI भरण्यासाठी केतकी माटेगावकरने केली अशी बचत; म्हणाली…
“‘माझ्या तीन लेकी ज्या कोणाच्या घरात जातील त्या लक्ष्मीच्या पाऊलांनी’…” असं लिहीत ‘स्टार प्रवाह’ने नव्या मालिकेचा प्रोमो शेअर केला आहे. या नव्या मालिकेतून पुन्हा एकदा अभिनेता अक्षर कोठारी, अभिनेत्री ईशा केसकर आणि किशोरी अंबिये प्रेक्षकांच्या भेटीस येणार आहे.
हेही वाचा – “तुझं लग्न कधी आहे?” चाहत्याच्या प्रश्नावर ‘ठरलं तर मग’ फेम जुई गडकरी म्हणाली, “पत्रिका…”
‘लक्ष्मीच्या पाऊलांनी’ ही नवी मालिका २० नोव्हेंबर पासून सुरू होणार आहे. रात्री ९.३० ही मालिका प्रेक्षकांच्या भेटीस येणार आहे. त्यामुळे आता या मालिकेच्या वेळेत सध्या सुरू असलेली ‘सुख म्हणजे नक्की काय असतं’ प्रेक्षकांचा निरोप घेणार की नव्या वेळेत पाहायला मिळणार? हे येत्या काळात स्पष्ट होईल.
