‘सोनी मराठी’ वाहिनीवरील ‘महाराष्ट्राची हास्यजत्रा’ या विनोदी कार्यक्रमाचे लाखो चाहते आहेत. याच कार्यक्रमातून प्रेक्षकांना खळखळून हसवणारा दादूस म्हणजेच अरुण कदम. या कार्यक्रमात ते साकारत असलेलं प्रत्येक पात्र प्रेक्षकांना अगदी लक्षात राहणारं असतं. त्यांची मंचावर एण्ट्री होताच टाळ्यांचा कडकडाट ऐकू येतो. सध्या ते एका वेगळ्याच कारणांनी चर्चेत आले आहेत.
‘महाराष्ट्राची हास्यजत्रा’ या कार्यक्रमातून सुप्रसिद्ध विनोदी कलाकार अरुण कदम काही दिवसांपूर्वीच आजोबा झाले आहे. त्यांनी नातवाच्या बारशाचा एक व्हिडीओ पोस्ट केला आहे. या व्हिडीओवर अनेक चाहते कमेंट करताना दिसत आहेत. त्यातील एका कमेंटने सर्वांचेच लक्ष वेधून घेतले आहे.
आणखी वाचा : “…तर त्यांनी मला नक्कीच बसवलं असतं”, अशोक सराफ यांना सुनावणाऱ्यांवर भडकले भाऊ कदम, म्हणाले “कृपया…”
एका नेटकऱ्याने त्या व्हिडीओवर कमेंट केली आहे. ही तुमची सून आहे का? अशी कमेंट एकाने केली आहे. त्यावर अरुण कदम यांची पत्नी वैशाली कदम यांनी प्रतिक्रिया दिली आहे. मी त्यांची बायको आहे, असे वैशाली कदम यांनी म्हटले आहे. त्यावर त्या नेटकऱ्यांनी ओके, सॉरी. तुम्ही इतक्या यंग दिसता, असे म्हटले आहे.
दरम्यान अरुण कदम यांचा हा व्हिडीओ सध्या सोशल मीडियावर व्हायरल होत आहे. सध्या अरुण कदम हे नातवाचे कौतुक करताना दिसत आहेत. तसेच ते याचे विविध फोटोही शेअर करताना पाहायला मिळत आहेत.
