Maharashtrachi Hasya Jatra Show : 'महाराष्ट्राची हास्यजत्रा' हा मराठमोळा विनोदी कार्यक्रम फक्त महाराष्ट्रातच नव्हे जगभरात लोकप्रिय आहे. या कार्यक्रमाचा चाहतावर्ग मोठ्या प्रमाणात आहे. त्यामुळे या शोमधील कलाकार अनेकदा सिंगापूर, मलेशिया, ऑस्ट्रेलिया, अमेरिका, दुबई असे दौरे करत आपल्या विनोदी शैलीने परदेशात राहणाऱ्या मराठी प्रेक्षकांचं मनोरंजन करतात. प्रेक्षकांना विनोदाचं अचूक टायमिंग साधत खळखळून हसवणारे आणि जगभरात शो करणारे हे विनोदवीर शूटिंगमधून वेळ मिळाल्यावर वैयक्तिक आयुष्यात धमालमस्ती करत असल्याचं पाहायला मिळतं. 'महाराष्ट्राची हास्यजत्रा' कार्यक्रमाचे सगळे कलाकार आता पावसाळी ट्रिपला गेले आहेत. याचा खास फोटो वनिता खरात इन्स्टाग्राम स्टोरीला शेअर केला आहे. हास्यजत्रेने बऱ्याच नवोदित कलाकारांना एक वेगळी ओळख मिळवून दिली. वनितासह प्रियदर्शिनी इंदलकर, शिवाली परब, पृथ्वीक प्रताप, ओंकार राऊत, रसिका वेंगुर्लेकर, रोहित माने, निखिल बने यांच्यासारखे अनेक कलाकार हास्यजत्रेमुळे आजच्या घडीला घराघरांत लोकप्रिय आहेत. नुकतेच हे कलाकार पावसाठी ट्रिपला गेले होते. हेही वाचा : अथिया शेट्टीला चित्रपटात घेणाऱ्या कास्टिंग डायरेक्टरला सुनील शेट्टीने दिला बंगला; म्हणाला, “मुंबईतील सर्वात…” 'महाराष्ट्राची हास्यजत्रा'चे ( Maharashtrachi Hasya Jatra ) कलाकार पोहोचले ट्रिपला वनिताने फोटो शेअर करत त्यावर "पावसाळी सहल इज मँडेटरी" असं कॅप्शन दिलं आहे. या फोटोमध्ये वनितासह ओंकार राऊत, निखिल बने, रोहित माने व रसिका वेंगुर्लेकर यांची झलक पाहायला मिळत आहे. यावरून हे सगळे कलाकार मिळून पावसाठी ट्रिपला गेल्याचं स्पष्ट झालं आहे. वनिताने शेअर केलेल्या फोटोमध्ये सगळ्या कलाकार मंडळींच्या हातात भाजलेलं मक्याचं कणीस पाहायला मिळत आहे. भर पावसात ट्रिपला जाताना हास्यजत्रेच्या या टीमने वाटेत भाजलेलं मक्याचं कणीस खाल्लं व त्यानंतर पुढील प्रवास चालू केला. हेही वाचा : ‘देवयानी’ पाठोपाठ ‘स्टार प्रवाह’वर येणार संग्राम! ‘या’ मालिकेत घेणार धमाकेदार एन्ट्री, तब्बल ६ वर्षांनी पुनरागमन https://www.instagram.com/p/C9xCkBXT04_/?utm_source=ig_web_copy_link&igsh=MzRlODBiNWFlZA== वनिता खरातने शेअर केलेला फोटो चर्चेत ( Maharashtrachi Hasya Jatra ) हेही वाचा : Tisha Kumar च्या अंत्यसंस्कारानंतर स्मशानातून हसत बाहेर पडला बॉलीवूड अभिनेता; संतापलेले नेटकरी म्हणाले, “मृत्यूचा तमाशा…” 'महाराष्ट्राची हास्यजत्रा'मधील प्रत्येक कलाकाराचा साधेपणा प्रेक्षकांना मोठ्या प्रमाणात भावतो. त्यामुळेच या सगळ्या कलाकारांना आणि हास्यजत्रेला प्रेक्षकांचं भरभरून प्रेम मिळतं. काही दिवसांपूर्वी वनिता खरातच्या वाढदिवसानिमित्त हे सगळे कलाकार एकत्र जमले होते. याचे देखील फोटो व व्हिडीओ वनिताने सोशल मीडियावर शेअर केले आहेत.
