Video : कोकणातील संस्कृती, बाप्पाला गाऱ्हाणं अन्…; ‘हास्यजत्रा’ फेम अभिनेत्याने दाखवली गावच्या विसर्जनाची झलक

निखिल चिपळूणचा असल्याने तो वरचेवर कोकणात जात असतो. अनेकदा त्याच्या व्हिडीओमध्ये गावची झलक, कोकणातील त्याचं टुमदार घर, गावची संस्कृती, भजनाची परंपरा या सगळ्याची झलक पाहायला मिळते. विशेषत: गणेशोत्सवात आणि शिमग्याच्या सणाला चाकरमानी मोठ्या संख्येने कोकणाची वाट धरतात. या दोन सणांना कोकणात सर्वाधिक महत्त्व आहे.

आणखी वाचा

VIDEO : अमरावतीत नवनीत राणांच्या प्रचारसभेत राडा; माजी खासदारावर हल्ल्याचा प्रयत्न!

‘हिंदुत्व तोडणारा राक्षस’, कालीचरण यांच्या विधानानंतर मनोज जरांगे…

दोन ‘सिक्वेल’च्या घवघवीत यशाने चित्रपटसृष्टीची दिवाळी गोड

मनोरंजनाची तरुण परिभाषा

Video: भाऊ कदम यांच्या लेकीने पहिल्यांदाच कुटुंबापासून दूर राहून अमेरिकेत ‘अशी’ साजरी केली दिवाळी, पाहा व्हिडीओ

दिवाळीनंतर मकरंद अनासपुरेंचा नवरंगी धमाका

‘कलात्मक चित्रपट कधीच लोप पावणार नाहीत…’; दिग्दर्शक निखिल अडवाणी

सांगीतिक नृत्यनाट्य ‘ऊर्मिलायन’

हेही वाचा : Bigg Boss Marathi : ‘जंगलराज’मध्ये घरातील ५ सदस्य झाले नॉमिनेट! जान्हवीला अश्रू अनावर, तर निक्कीने…; नेमकं काय घडलं?

निखिलने दाखवली गावच्या गणेशोत्सवाची झलक

गणेशोत्सवासाठी साधारण महिनाभर आधी कोकणातील घराघरांत तयारी सुरू होते. बाप्पाचं स्वागत, नैवेद्य, यादरम्यान येणारे सणवार, गौराईचं आगमन आणि शेवटी गौरी-गणपती विसर्जन होईपर्यंत कोकणातील घराघरांत लगबग चालू असते. बाप्पाच्या विसर्जनाची खास झलक निखिलने आपल्या व्हिडीओद्वारे शेअर केली आहे. गावी एकत्र आरती करून, देवाला गाऱ्हाणं घालून, एकत्र प्रसादाचं वाटप करून बाप्पाचं नदीवर विसर्जन केलं जातं असं निखिलच्या ( Nikhil Bane ) व्हिडीओमध्ये पाहायला मिळत आहे.

अभिनेत्याने या व्हिडीओला “निरोप घेतो आता आम्हा आज्ञा असावी, चुकले आमचे काही देवा क्षमा असावी” हे गाणं जोडलं आहे. गौरी-गणपती निरोप घेताना अनेक जण भावुक होतात. निखिलच्या व्हिडीओवर देखील नेटकऱ्यांनी कौतुकाचा वर्षाव करत कमेंट सेक्शनमध्ये भावुक झाल्याचे इमोजी जोडले आहेत. तर, ज्या लोकांना यावर्षी गणपतीत गावी जाता आलं नाही…त्यांनी हा सुंदर व्हिडीओ शेअर केल्याबद्दल निखिलचे आभार मानले आहेत.

हेही वाचा : ठरलं तर मग : सायलीच खरी तन्वी! अर्जुनने पाहिली बायकोच्या पायावरची जन्मखूण; प्रियाचा खोटेपणा उघड होणार, पाहा प्रोमो

दरम्यान, निखिल बनेच्या ( Nikhil Bane ) कामाबद्दल सांगायचं झालं, तर सध्या तो ‘महाराष्ट्राची हास्यजत्रा’ या विनोदी कार्यक्रमाद्वारे प्रेक्षकांचं निखळ मनोरंजन करत आहे. याशिवाय गेल्यावर्षी प्रदर्शित झालेल्या ‘Boyz 4’ चित्रपटात तो झळकला होता.