आधी ‘हे’ होतं ‘महाराष्ट्राची हास्यजत्रा’चं नाव, दिग्दर्शकांनी सांगितलं नाव बदलण्याचं कारण

हेही वाचा : Sonali Kulkarni Birthday: सोनाली कुलकर्णीला पहिला सिनेमा कसा मिळाला? वाचा माहीत नसलेला किस्सा!

‘महाराष्ट्राची हास्यजत्रा’ हा कार्यक्रम प्रामुख्याने लॉकडाऊनच्या काळात प्रचंड लोकप्रिय झाला. इतर कोणतेही कार्यक्रम टेलिव्हिजनवर सुरू नसल्याने घराघरांत हास्यजत्रा पाहिली जायची. ‘कोहली फॅमिली’, नम्रताचं ‘लॉली’ पात्र, समीर चौघुलेंच्या विनोदाचं अचूक टायमिंग यामुळे ‘महाराष्ट्राची हास्यजत्रा’ कार्यक्रमाला अल्पावधीतच प्रेक्षकांचा भरभरून प्रतिसाद मिळाला. परंतु, आजच्या घडीला महाराष्ट्राला खळखळून हसवणाऱ्या ‘महाराष्ट्राची हास्यजत्रा’ या कार्यक्रमाचं आधीचं नाव काहीतरी वेगळंच ठरलं होतं असा खुलासा दिग्दर्शकांनी केला आहे.

हेही वाचा : अंकिता लोखंडेचा Bigg Boss 17 मध्ये जाण्याचा निर्णय वाईट, ‘बिग बॉस मराठी’ फेम अभिनेत्रीचं मत; म्हणाली, “शेवटी तुझ्यासाठी…”

‘महाराष्ट्राची हास्यजत्रा’ या कार्यक्रमाचे दोन प्रमुख आधारस्तंभ म्हणजेच दिग्दर्शक सचिन गोस्वामी आणि सचिम मोटे यांनी नुकतीच भार्गवी चिरमुलेच्या ‘गप्पा मस्ती पॉडकास्ट’ला हजेरी लावली होती. यावेळी या दोघांनी हास्यजत्रेचं नाव आधी वेगळंच ठरवलं गेलं होतं याबद्दल खुलासा केला.

हेही वाचा : … अन् एका रात्री सोहेल खानबरोबर पळून गेली होती सीमा सजदेह; म्हणाली, “त्याच्या सभोवताली अनेक सुंदर स्त्रिया…”

सचिन मोटे म्हणाले, “हास्यजत्रेचं नाव सुरूवातीला आम्ही ‘कॉमेडीचे जहागीरदार’ असं ठरवलं होतं किंवा ‘एकच पंच हादरुन टाकू मंच’ अशी नावं आम्ही काढली होती. पण, शेवटी महाराष्ट्राची हास्यजत्रा यावर शिक्कामोर्तब केलं.” नाव बदलण्यामागचं कारण सांगत सचिन गोस्वामी म्हणाले, “आम्ही काही दिवसांनी हास्याची जत्रा करायची…म्हणजेच लोकांना हसवण्याची जत्रा अशा अर्थी नाव घ्यायचं असं ठरवलं. आता या जत्रेत संपूर्ण महाराष्ट्र सामावला पाहिजे अशी आमची इच्छा होती. त्यावरून ‘महाराष्ट्राची हास्यजत्रा’ हे नाव निश्चित झालं.” दरम्यान, ‘महाराष्ट्राची हास्यजत्रा’ या कार्यक्रमाला प्रेक्षक भरभरून प्रतिसाद देत आहे. लवकरच यामधील बहुतांश कलाकार आता ‘एकदा येऊन तर बघा’ या चित्रपटाच्या निमित्ताने मोठ्या पडद्यावर झळकणार आहेत.