भारतीय संविधान दिनानिमित्त गौरव मोरेने दिली डॉ. बाबासाहेब आंबेडकरांना खास मानवंदना, व्हिडीओ व्हायरल

गौरव मोरे हा सोशल मीडियावर कायमच सक्रीय असतो. तो नेहमी विविध पोस्ट आणि व्हिडीओ शेअर करताना दिसतो. नुकतंच गौरवने इन्स्टाग्रामवर भारतीय संविधान दिनानिमित्त एक व्हिडीओ शेअर केला आहे. याला त्याने हटके कॅप्शन दिले आहे. “आम्ही भारताचे लोक ??. भारतीय संविधान दिन”, असे त्याने कॅप्शनमध्ये म्हटले आहे. त्याबरोबर त्यांनी भारतरत्न डॉ. बाबासाहेब आंबेडकरांचे आभार मानले आहेत. तसेच त्याने भारतीय असल्याचा अभिमान आहे असेही सांगितले आहे.

भारतीय संविधानाचा स्वीकार ज्या दिवशी केला गेला तो दिवस म्हणजे २६ नोव्हेंबर. दरवर्षी हा दिवस संविधान दिन म्हणून साजरा केला जातो. हा दिवस राष्ट्रीय कायदा दिन म्हणून पण ओळखला जातो. १९४९ मध्ये यादिवशी भारतीय संसदेने अधिकृतपणे संविधानाचा स्वीकार केला. त्यानंतर २६ जानेवारी १९५० पासून संविधान देशात लागू झाले. यानंतर १९ नोव्हेंबर २०१५ रोजी केंद्रीय सामाजिक आणि सशक्तीकरण मंत्रालयाने २६ नोव्हेंबर संविधान दिन म्हणून साजरा करण्याचा निर्णय घेतला. याच निमित्ताने गौरवने पोस्ट शेअर केली आहे.

दरम्यान गौरव मोरे हा चाहता वर्ग फार मोठा आहे. विनोदी अभिनयाने त्याने चाहत्यांच्या मनात घर केलं आहे. गौरव सोशल मीडियावरही प्रचंड सक्रिय असतो. काही दिवसांपूर्वी गौरव हा ‘हवाहवाई’ चित्रपटात झळकला होता. त्यानंतर काही दिवसांपूर्वी तो लंडनमध्ये एका चित्रपटाच्या शूटींगनिमित्त गेला होता. त्यावेळी त्याचा व्हिडीओही प्रचंड व्हायरल झाला होता.