‘महाराष्ट्राची हास्यजत्रा’ हा कार्यक्रम घराघरात लोकप्रिय आहे. या शोमधून प्रसिद्धीझोतात आलेली अभिनेत्री म्हणजे शिवाली परब. अभिनयाच्या जोरावर शिवालीने अल्पावधीतच प्रेक्षकांची मनं जिंकली. नुकतंच शिवाली एका फोटोशूटमुळे चर्चेत आली आहे. यामुळे तिला ट्रोलिंगचा सामना करावा लागला आहे.
उत्तम अभिनय व विनोदाचं अचूक टायमिंग साधत शिवाली प्रेक्षकांना खळखळवून हसवते. शिवाली परबचा चाहतावर्ग खूप मोठा आहे. तिच्या आयुष्यात काय सुरू आहे हे जाणून घेण्यासाठी तिचे चाहते नेहमीच खूप उत्सुक असतात. शिवालीदेखील सोशल मीडियावर सक्रिय राहून तिच्या चाहत्यांच्या संपर्कात असते.
आणखी वाचा : Video : “तू मला विसरलीस…” जिनिलीया देशमुखने अमृता खानविलकरला ओळख दाखवण्यास दिला नकार? म्हणाली “मला काहीही…”
नुकतंच शिवालीने एक फोटोशूट केलं आहे. यात तिने एक सिल्व्हर रंगाचा वनपीस परिधान केला आहे. या लूकचे काही फोटो तिने शेअर केले आहेत. मात्र तिचा हा लूक अनेकांना पसंतीस पडलेला दिसत नाही. तिच्या अनेक चाहत्यांनी या लूकवरुन विविध कमेंट केल्या आहेत.
शिवालीच्या या लूकवर एकाने “जेवढा पैसा प्रसिद्धी जास्त तेवढे कपडे कमी होतात का?” अशी कमेंट केली आहे. तर एकाने “काय वेशभूषा आहे तुझी.. सुधर जरा…आजुन तू ॲक्ट्रेस नाही आहेस.. लोकं मनातून कळायच्या आधी स्वतःला सावरुन घे”, असे म्हटले आहे.
आणखी वाचा : Video : “राज ठाकरे की उद्धव ठाकरे? महाराष्ट्र जास्त समर्थपणे कोण सांभाळू शकतं?” उर्मिला मातोंडकर म्हणतात…
“नाही शोभत तुला”, अशी कमेंट एकाने केली आहे. तर एकाने “तू साधीच छान दिसतेस, त्यामुळे तुला फॉलो केलं होतं. पण आता हे बघून अनफॉलो”, असे म्हटले आहे. तर एकाने “Please असे कपडे घालू नको ना”, अशी विनंती शिवालीला केली आहे. “तु नॉर्मल दिसतय तसा बरा दिसत ह्या नको झाल्ला काय फालतू कपडे छपरी लोकांसारखे”, अशी कमेंट एकाने केली आहे.
