‘महाराष्ट्राची हास्यजत्रा’ कार्यक्रमातील लोकप्रिय विनोदवीर दादूस म्हणजेच अरुण कदम प्रेक्षकांना खळखळून हसवतात. आपल्या विनोदाने प्रेक्षकांच्या चेहऱ्यावर आनंद आणणारे अरुण कदम सध्या त्यांच्या वैयक्तिक आयुष्यामुळे चर्चेत आहेत. अरुण आजोबा झाले आहेत. त्यांच्या लेकीने गोंडस बाळाला जन्म दिला आहे. त्यांचे बाळाबरोबरचे फोटो समोर आले आहेत.
‘महाराष्ट्राची हास्यजत्रा’ फेम अरुण कदम झाले आजोबा; लेक सुकन्याने दिला बाळाला जन्म
‘महाराष्ट्राची हास्यजत्रा’मध्ये विविध प्रकारची पात्रं साकारून अरुण कदम प्रेक्षकांचं मनोरंजन करतात. अरुण कदम आता आजोबा झाले आहेत. त्यांची मुलगी सुकन्याने शनिवारी (१९ ऑगस्ट रोजी) मुलाला जन्म दिला. सुकन्याने बाळाचे फोटो सोशल मीडियावर शेअर केले आहेत. ‘मुलगा झाला’ असं कॅप्शन देत तिने फोटो इन्स्टाग्रामवर शेअर केले आहेत. यामध्ये अरुण कदम यांचाही नातवाबरोबरचा फोटो आहे.
सुकन्याने शेअर केलेल्या फोटोमध्ये तिचे आई-वडील म्हणजेच अरुण कदम व वैशाली कदम तसेच सुकन्याचा पती सागर पोवाळे बाळाला घेऊन उभा आहे. सुकन्याच्या या फोटोवर चाहते लाइक्स व कमेंट्सचा वर्षाव करत आहेत. ‘महाराष्ट्राची हास्यजत्रा’ फेम रसिका वेंगुर्लेकरनेही फोटोंवर कमेंट करत शुभेच्छा दिल्या आहेत.
२०२१मध्ये सुकन्याचं लग्न सागर पोवाळेशी झालं. ती कमर्शिअल आर्टिस्ट व ग्राफिक डिझायनर आहे. शिवाय ती भरतनाट्यमही शिकली आहे. ती सोशल मीडियावरही खूप सक्रिय आहे. ती तिच्या वैयक्तिक आयुष्याशी संबंधित अनेक फोटो व व्हिडीओ सोशल मीडियावर शेअर करत असते. अनेकदा ती वडील अरुण कदम यांच्याबरोबर रील्स बनवते.
